حَدَّثَنَا يَحْيَى عَنِ ابْنِ عَجْلَانَ قَالَ حَدَّثَنَا سَعِيدُ بْنُ أَبِي سَعِيدٍ عَنْ أَبِي هُرَيْرَةَأَنَّ رَجُلًا شَتَمَ أَبَا بَكْرٍ وَالنَّبِيُّ صَلَّى اللَّهُ عَلَيْهِ وَسَلَّمَ جَالِسٌ فَجَعَلَ النَّبِيُّ صَلَّى اللَّهُ عَلَيْهِ وَسَلَّمَ يَعْجَبُ وَيَتَبَسَّمُ فَلَمَّا أَكْثَرَ رَدَّ عَلَيْهِ بَعْضَ قَوْلِهِ فَغَضِبَ النَّبِيُّ صَلَّى اللَّهُ عَلَيْهِ وَسَلَّمَ وَقَامَ فَلَحِقَهُ أَبُو بَكْرٍ فَقَالَ يَا رَسُولَ اللَّهِ كَانَ يَشْتُمُنِي وَأَنْتَ جَالِسٌ فَلَمَّا رَدَدْتُ عَلَيْهِ بَعْضَ قَوْلِهِ غَضِبْتَ وَقُمْتَ قَالَ إِنَّهُ كَانَ مَعَكَ مَلَكٌ يَرُدُّ عَنْكَ فَلَمَّا رَدَدْتَ عَلَيْهِ بَعْضَ قَوْلِهِ وَقَعَ الشَّيْطَانُ فَلَمْ أَكُنْ لِأَقْعُدَ مَعَ الشَّيْطَانِ ثُمَّ قَالَ يَا أَبَا بَكْرٍ ثَلَاثٌ كُلُّهُنَّ حَقٌّ مَا مِنْ عَبْدٍ ظُلِمَ بِمَظْلَمَةٍ فَيُغْضِي عَنْهَا لِلَّهِ عَزَّ وَجَلَّ إِلَّا أَعَزَّ اللَّهُ بِهَا نَصْرَهُ وَمَا فَتَحَ رَجُلٌ بَابَ عَطِيَّةٍ يُرِيدُ بِهَا صِلَةً إِلَّا زَادَهُ اللَّهُ بِهَا كَثْرَةً وَمَا فَتَحَ رَجُلٌ بَابَ مَسْأَلَةٍ يُرِيدُ بِهَا كَثْرَةً إِلَّا زَادَهُ اللَّهُ عَزَّ وَجَلَّ بِهَا قِلَّةً
Abu Hurayra (roziyallohu anhu)dan rivoyat qilinadi: Bir kishi Abu Bakr (roziyallohu anhu)ni soʻka boshladi, Nabiy ﷺ esa oʻtirgan edilar. Nabiy ﷺ (bunga) taajjublanib, tabassum qilib turdilar. U (soʻkishni) koʻpaytirgach, (Abu Bakr) uning baʼzi soʻzlariga javob qaytardi. Shunda Nabiy ﷺ gʻazablanib, oʻrinlaridan turdilar. Abu Bakr u zotga yetib olib: «Ey Allohning Rasuli, u meni soʻkayotganida siz oʻtirgan edingiz. Men uning baʼzi soʻzlariga javob qaytarganimda esa, gʻazablanib, turib ketdingiz», dedi. U zot: «Sen bilan birga bir farishta bor edi, u sen tomondan javob qaytarardi. Sen uning baʼzi soʻzlariga javob qaytarganingda esa, shayton (oʻrtaga) tushdi. Men shayton bilan birga oʻtirmasdim», dedilar. Soʻng: «Ey Abu Bakr, uchta (narsa) borki, ularning barchasi haqdir: qaysi banda bir zulmga uchrasa-yu, uni Alloh azza va jalla uchun kechirsa, Alloh u sababli uning nusratini albatta aziz qiladi; qaysi kishi (qarindoshlik) rishtasini ulashni koʻzlab, atiyya (hadya) eshigini ochsa, Alloh u sababli unga albatta koʻplik ziyoda qiladi; qaysi kishi koʻpaytirishni koʻzlab, soʻrash eshigini ochsa, Alloh azza va jalla u sababli unga albatta kamlik ziyoda qiladi», dedilar.Абу Ҳурайра (розияллоҳу анҳу)дан ривоят қилинади: Бир киши Абу Бакр (розияллоҳу анҳу)ни сўка бошлади, Набий ﷺ эса ўтирган эдилар. Набий ﷺ (бунга) таажжубланиб, табассум қилиб турдилар. У (сўкишни) кўпайтиргач, (Абу Бакр) унинг баъзи сўзларига жавоб қайтарди. Шунда Набий ﷺ ғазабланиб, ўринларидан турдилар. Абу Бакр у зотга етиб олиб: «Эй Аллоҳнинг Расули, у мени сўкаётганида сиз ўтирган эдингиз. Мен унинг баъзи сўзларига жавоб қайтарганимда эса, ғазабланиб, туриб кетдингиз», деди. У зот: «Сен билан бирга бир фаришта бор эди, у сен томондан жавоб қайтарарди. Сен унинг баъзи сўзларига жавоб қайтарганингда эса, шайтон (ўртага) тушди. Мен шайтон билан бирга ўтирмасдим», дедилар. Сўнг: «Эй Абу Бакр, учта (нарса) борки, уларнинг барчаси ҳақдир: қайси банда бир зулмга учраса-ю, уни Аллоҳ азза ва жалла учун кечирса, Аллоҳ у сабабли унинг нусратини албатта азиз қилади; қайси киши (қариндошлик) риштасини улашни кўзлаб, атийя (ҳадя) эшигини очса, Аллоҳ у сабабли унга албатта кўплик зиёда қилади; қайси киши кўпайтиришни кўзлаб, сўраш эшигини очса, Аллоҳ азза ва жалла у сабабли унга албатта камлик зиёда қилади», дедилар.