Ali (roziyallohu anhu)dan rivoyat qilinadi: Fotima (roziyallohu anho) qoʻlidagi tegirmon izidan koʻrgan azob-uqubatidan shikoyat qildi. Nabiy ﷺning oldiga asirlar keltirilgan edi, shu bois u bordi, lekin u zotni topmadi va Oisha (roziyallohu anho)ni uchratib, unga aytdi. Nabiy ﷺ kelganlarida, Oisha (roziyallohu anho) u zotga Fotima kelganini aytdi. Nabiy ﷺ biz oʻrinlarimizga yotganimizda keldilar, biz turmoqchi boʻldik, shunda Nabiy ﷺ: «Oʻrningizda qolinglar», dedilar va ikkovimizning oʻrtamizga oʻtirdilar, hatto men u zotning oyoqlarining salqinini koʻkragimda his qildim. Soʻng u zot: «Ikkovingizga soʻraganingizdan koʻra yaxshiroq narsani oʻrgatmaymi? Oʻrningizga yotganingizda, Allohga oʻttiz toʻrt marta takbir ayting, oʻttiz uch marta tasbeh ayting va oʻttiz uch marta hamd ayting; bu ikkovingiz uchun xizmatchidan yaxshiroqdir», dedilar.Али (розияллоҳу анҳу)дан ривоят қилинади: Фотима (розияллоҳу анҳо) қўлидаги тегирмон изидан кўрган азоб-уқубатидан шикоят қилди. Набий ﷺнинг олдига асирлар келтирилган эди, шу боис у борди, лекин у зотни топмади ва Оиша (розияллоҳу анҳо)ни учратиб, унга айтди. Набий ﷺ келганларида, Оиша (розияллоҳу анҳо) у зотга Фотима келганини айтди. Набий ﷺ биз ўринларимизга ётганимизда келдилар, биз турмоқчи бўлдик, шунда Набий ﷺ: «Ўрнингизда қолинглар», дедилар ва икковимизнинг ўртамизга ўтирдилар, ҳатто мен у зотнинг оёқларининг салқинини кўкрагимда ҳис қилдим. Сўнг у зот: «Икковингизга сўраганингиздан кўра яхшироқ нарсани ўргатмайми? Ўрнингизга ётганингизда, Аллоҳга ўттиз тўрт марта такбир айтинг, ўттиз уч марта тасбеҳ айтинг ва ўттиз уч марта ҳамд айтинг; бу икковингиз учун хизматчидан яхшироқдир», дедилар.