Uboda ibn Nusay Shaddod ibn Avs (roziyallohu anhu)dan rivoyat qiladiki, u yigʻladi. Unga: «Nima seni yigʻlatyapti?» deyildi. U dedi: «Rasululloh ﷺdan eshitgan bir narsam — uni esladim-u, u meni yigʻlatdi. Men Rasululloh ﷺning shunday deyayotganlarini eshitgandim: ‹Men ummatim uchun shirkdan va yashirin shahvatdan qoʻrqaman›. Men: ‹Yo Rasululloh, ummatingiz sizdan keyin shirk keltiradimi?› dedim. U zot: ‹Ha. Ammo ular quyoshga ham, oyga ham, toshga ham, butga ham ibodat qilmaydilar, balki amallari bilan riyo qiladilar. Yashirin shahvat esa — biri roʻzador holda tongni qarshilaydi-da, unga shahvatlaridan bir shahvat roʻpara boʻlib, roʻzasini tark etadi›, dedilar.»Убода ибн Нусай Шаддод ибн Авс (розияллоҳу анҳу)дан ривоят қиладики, у йиғлади. Унга: «Нима сени йиғлатяпти?» дейилди. У деди: «Расулуллоҳ ﷺдан эшитган бир нарсам — уни эсладим-у, у мени йиғлатди. Мен Расулуллоҳ ﷺнинг шундай деяётганларини эшитгандим: ‹Мен умматим учун ширкдан ва яширин шаҳватдан қўрқаман›. Мен: ‹Ё Расулуллоҳ, умматингиз сиздан кейин ширк келтирадими?› дедим. У зот: ‹Ҳа. Аммо улар қуёшга ҳам, ойга ҳам, тошга ҳам, бутга ҳам ибодат қилмайдилар, балки амаллари билан риё қиладилар. Яширин шаҳват эса — бири рўзадор ҳолда тонгни қаршилайди-да, унга шаҳватларидан бир шаҳват рўпара бўлиб, рўзасини тарк этади›, дедилар.»