Junoda ibn Abu Umayya aytdi: Men Nabiy ﷺning sahobalaridan bir kishining oldiga bordim va unga: «Menga Rasululloh ﷺdan Dajjol haqida eshitgan bir hadisingni soʻzlab ber, oʻzingdan boshqadan — garchi u sening nazdingda ishonchli boʻlsa ham — soʻzlama», dedim. U dedi: Rasululloh ﷺ shunday deganlarini eshitdim: «Men sizlarni Dajjol fitnasidan ogohlantirdim. Hech bir nabiy yoʻqki, oʻz qavmini yoki ummatini undan ogohlantirmagan boʻlsa. Albatta, u buqdoyrang, jingalak sochli, chap koʻzi koʻrdir. U yomgʻir yogʻdiradi, lekin daraxtni oʻstirmaydi. Unga bir jon ustidan hukm beriladi, u uni oʻldiradi, soʻng tiriltiradi; undan boshqasi ustidan esa hukm berilmaydi. U bilan birga jannat va doʻzax, daryo va suv, non togʻi boʻladi. Uning jannati — doʻzax, doʻzaxi esa jannatdir. U sizlar orasida qirq tong turadi, ularda har bir suv manbaiga tushadi, faqat toʻrtta masjidga — Masjidul-Harom, Madina masjidi, Tur va Masjidul-Aqsoga (tushmaydi). Agar sizlarga chalkash yoki shubhali tuyulsa, bilinglarki, Alloh azza va jalla koʻr emas».Жунода ибн Абу Умайя айтди: Мен Набий ﷺнинг саҳобаларидан бир кишининг олдига бордим ва унга: «Менга Расулуллоҳ ﷺдан Дажжол ҳақида эшитган бир ҳадисингни сўзлаб бер, ўзингдан бошқадан — гарчи у сенинг наздингда ишончли бўлса ҳам — сўзлама», дедим. У деди: Расулуллоҳ ﷺ шундай деганларини эшитдим: «Мен сизларни Дажжол фитнасидан огоҳлантирдим. Ҳеч бир набий йўқки, ўз қавмини ёки умматини ундан огоҳлантирмаган бўлса. Албатта, у буқдойранг, жингалак сочли, чап кўзи кўрдир. У ёмғир ёғдиради, лекин дарахтни ўстирмайди. Унга бир жон устидан ҳукм берилади, у уни ўлдиради, сўнг тирилтиради; ундан бошқаси устидан эса ҳукм берилмайди. У билан бирга жаннат ва дўзах, дарё ва сув, нон тоғи бўлади. Унинг жаннати — дўзах, дўзахи эса жаннатдир. У сизлар орасида қирқ тонг туради, уларда ҳар бир сув манбаига тушади, фақат тўртта масжидга — Масжидул-Ҳаром, Мадина масжиди, Тур ва Масжидул-Ақсога (тушмайди). Агар сизларга чалкаш ёки шубҳали туюлса, билингларки, Аллоҳ азза ва жалла кўр эмас».