Nuʼmon ibn Bashir (roziyallohu anhumo) xutba qilib turib, barmogʻi bilan quloqlariga ishora qilgan holda shunday dedi: Men Rasululloh ﷺ ning shunday deganlarini eshitdim: «Allohning hududlarida turuvchi kishi bilan ularga tushuvchining — yoki: ularda sustkashlik qiluvchining misoli bir kemaga mingan qavmning misolidir: ularning baʼzilari kemaning pastki, eng qiyin va eng yomon qismidan joy oldi, baʼzilari esa yuqori qismidan joy oldi. Pastdagilar suv olganlarida oʻzlaridan yuqoridagilarning yonidan oʻtar va ularni ranjitar edilar. Shunda ular: ‹Oʻz ulushimizda bir teshik teshib, oʻshandan suv olsak, yuqorimizdagilarni ranjitmagan boʻlardik›, dedilar. Bas, agar (yuqoridagilar) ularni oʻz holiga qoʻyib bersalar, hammalari halok boʻladilar; agar qoʻllaridan ushlab toʻxtatsalar, hammalari najot topadilar». Boshqa isnodlar bilan ham Nuʼmon ibn Bashirdan rivoyat qilinadi: Rasululloh ﷺ: «Allohning hududlarida turuvchining misoli...» — soʻng hadisni zikr qildi.Нуъмон ибн Башир (розияллоҳу анҳумо) хутба қилиб туриб, бармоғи билан қулоқларига ишора қилган ҳолда шундай деди: Мен Расулуллоҳ ﷺ нинг шундай деганларини эшитдим: «Аллоҳнинг ҳудудларида турувчи киши билан уларга тушувчининг — ёки: уларда сусткашлик қилувчининг мисоли бир кемага минган қавмнинг мисолидир: уларнинг баъзилари кеманинг пастки, энг қийин ва энг ёмон қисмидан жой олди, баъзилари эса юқори қисмидан жой олди. Пастдагилар сув олганларида ўзларидан юқоридагиларнинг ёнидан ўтар ва уларни ранжитар эдилар. Шунда улар: ‹Ўз улушимизда бир тешик тешиб, ўшандан сув олсак, юқоримиздагиларни ранжитмаган бўлардик›, дедилар. Бас, агар (юқоридагилар) уларни ўз ҳолига қўйиб берсалар, ҳаммалари ҳалок бўладилар; агар қўлларидан ушлаб тўхтатсалар, ҳаммалари нажот топадилар». Бошқа иснодлар билан ҳам Нуъмон ибн Баширдан ривоят қилинади: Расулуллоҳ ﷺ: «Аллоҳнинг ҳудудларида турувчининг мисоли...» — сўнг ҳадисни зикр қилди.