Baro ibn Ozib (roziyallohu anhu)dan rivoyat qilinadi: Nabiy ﷺ: «Kim kumushni (foydalanishga) bersa yoki (yoʻl adashganga) koʻcha koʻrsatsa yoki sut ichirsa, unga bir qul (ozod qilgan)ning ajriday (ajr) boʻladi. Kim: ‹La ilaha illalloh, vahdahu la shariyka lah, lahul-mulku va lahul-hamd, va huva ala kulli shayʼin qodir›, deb oʻn marta aytsa, unga bir qul (ozod qilgan)ning ajriday (ajr) boʻladi», dedilar. Biz namozga turganimizda, u zot oldimizga kelib koʻkraklarimizni — yoki yelkalarimizni — silar va: «Saflaringiz turlicha boʻlmasin, aks holda qalblaringiz ham turlicha boʻlib qoladi», der edilar. Yana u zot: «Albatta, Alloh va Uning farishtalari birinchi safga — yoki oldingi saflarga — salavot aytadilar», der edilar. Yana: «Qurʼonni ovozlaringiz bilan bezanglar», dedilar. (Roviy dedi:) Men buni unutgan edim, uni menga Zahhok ibn Muzohim eslatdi.Баро ибн Озиб (розияллоҳу анҳу)дан ривоят қилинади: Набий ﷺ: «Ким кумушни (фойдаланишга) берса ёки (йўл адашганга) кўча кўрсатса ёки сут ичирса, унга бир қул (озод қилган)нинг ажридай (ажр) бўлади. Ким: ‹Ла илаҳа иллаллоҳ, ваҳдаҳу ла шарийка лаҳ, лаҳул-мулку ва лаҳул-ҳамд, ва ҳува ала кулли шайъин қодир›, деб ўн марта айтса, унга бир қул (озод қилган)нинг ажридай (ажр) бўлади», дедилар. Биз намозга турганимизда, у зот олдимизга келиб кўкракларимизни — ёки елкаларимизни — силар ва: «Сафларингиз турлича бўлмасин, акс ҳолда қалбларингиз ҳам турлича бўлиб қолади», дер эдилар. Яна у зот: «Албатта, Аллоҳ ва Унинг фаришталари биринчи сафга — ёки олдинги сафларга — салавот айтадилар», дер эдилар. Яна: «Қуръонни овозларингиз билан безанглар», дедилар. (Ровий деди:) Мен буни унутган эдим, уни менга Заҳҳок ибн Музоҳим эслатди.