Ammor ibn Yosir (roziyallohu anhu) aytdi: Men tunda oilam oldiga keldim, qoʻllarim yorilib ketgan edi; ular menga zaʼfaron surtib qoʻyishdi. Ertalab Rasululloh ﷺ huzurlariga borib, u zotga salom berdim, ammo u zot menga (salomimni) qaytarmadilar va meni xush koʻrmadilar va: «Buni yuvib tashla», dedilar. Men borib, uni yuvdim, soʻng keldim, lekin menda undan biroz qolgan edi. Salom berdim, ammo u zot menga qaytarmadilar va meni xush koʻrmadilar va: «Buni oʻzingdan yuvib tashla», dedilar. Men borib, uni yuvdim, soʻng kelib, u zotga salom berdim. U zot menga (salomimni) qaytardilar, meni xush koʻrdilar va: «Albatta, farishtalar na kofirning jasadiga, na zaʼfaron surtingan kishiga, na junub kishiga hozir boʻlmaydilar», dedilar. U zot junub kishi uxlamoqchi, yemoqchi yoki ichmoqchi boʻlsa, tahorat qilishiga ruxsat berdilar.Аммор ибн Ёсир (розияллоҳу анҳу) айтди: Мен тунда оилам олдига келдим, қўлларим ёрилиб кетган эди; улар менга заъфарон суртиб қўйишди. Эрталаб Расулуллоҳ ﷺ ҳузурларига бориб, у зотга салом бердим, аммо у зот менга (саломимни) қайтармадилар ва мени хуш кўрмадилар ва: «Буни ювиб ташла», дедилар. Мен бориб, уни ювдим, сўнг келдим, лекин менда ундан бироз қолган эди. Салом бердим, аммо у зот менга қайтармадилар ва мени хуш кўрмадилар ва: «Буни ўзингдан ювиб ташла», дедилар. Мен бориб, уни ювдим, сўнг келиб, у зотга салом бердим. У зот менга (саломимни) қайтардилар, мени хуш кўрдилар ва: «Албатта, фаришталар на кофирнинг жасадига, на заъфарон суртинган кишига, на жунуб кишига ҳозир бўлмайдилар», дедилар. У зот жунуб киши ухламоқчи, емоқчи ёки ичмоқчи бўлса, таҳорат қилишига рухсат бердилар.