Abu Muso (roziyallohu anhu)dan rivoyat qilinadi: Biz Rasululloh ﷺ bilan shom namozini oʻqidik. Soʻng oʻzaro: «U zot bilan xufton namozini ham oʻqigunimizcha kutib tursak (qanday boʻlar edi)?» dedik. (Abu Muso) dedi: Shunday qilib kutib turdik. Soʻng u zot oldimizga chiqib: «Hamon shu yerdamisizlar?» dedilar. Biz: «Ha, yo Rasululloh; siz bilan xufton namozini ham oʻqiymiz, dedik», dedik. U zot: «Yaxshi qildingiz» yoki «Toʻgʻri qildingiz», dedilar. Soʻng boshlarini osmonga koʻtardilar — (roviy) dedi: u zot koʻp marta boshlarini osmonga koʻtarar edilar — va: «Yulduzlar osmon uchun omonlikdir. Yulduzlar ketganda, osmonga vaʼda qilingan narsa keladi. Men ashoblarim uchun omonlikman. Men ketganimda, ashoblarimga vaʼda qilingan narsa keladi. Ashoblarim ummatim uchun omonlikdir. Ashoblarim ketganlarida, ummatimga vaʼda qilingan narsa keladi», dedilar.Абу Мусо (розияллоҳу анҳу)дан ривоят қилинади: Биз Расулуллоҳ ﷺ билан шом намозини ўқидик. Сўнг ўзаро: «У зот билан хуфтон намозини ҳам ўқигунимизча кутиб турсак (қандай бўлар эди)?» дедик. (Абу Мусо) деди: Шундай қилиб кутиб турдик. Сўнг у зот олдимизга чиқиб: «Ҳамон шу ердамисизлар?» дедилар. Биз: «Ҳа, ё Расулуллоҳ; сиз билан хуфтон намозини ҳам ўқиймиз, дедик», дедик. У зот: «Яхши қилдингиз» ёки «Тўғри қилдингиз», дедилар. Сўнг бошларини осмонга кўтардилар — (ровий) деди: у зот кўп марта бошларини осмонга кўтарар эдилар — ва: «Юлдузлар осмон учун омонликдир. Юлдузлар кетганда, осмонга ваъда қилинган нарса келади. Мен ашобларим учун омонликман. Мен кетганимда, ашобларимга ваъда қилинган нарса келади. Ашобларим умматим учун омонликдир. Ашобларим кетганларида, умматимга ваъда қилинган нарса келади», дедилар.