حَدَّثَنَا عَفَّانُ حَدَّثَنَا حَمَّادُ بْنُ سَلَمَةَ عَنْ ثَابِتٍ عَنْ كِنَانَةَ بْنِ نُعَيْمٍ الْعَدَوِيِّ عَنْ أَبِي بَرْزَةَ الْأَسْلَمِيِّأَنَّ جُلَيْبِيبًا كَانَ امْرَأً يَدْخُلُ عَلَى النِّسَاءِ يَمُرُّ بِهِنَّ وَيُلَاعِبُهُنَّ فَقُلْتُ لِامْرَأَتِي لَا يَدْخُلَنَّ عَلَيْكُمْ جُلَيْبِيبٌ فَإِنَّهُ إِنْ دَخَلَ عَلَيْكُمْ لَأَفْعَلَنَّ وَلَأَفْعَلَنَّ قَالَ وَكَانَتْ الْأَنْصَارُ إِذَا كَانَ لِأَحَدِهِمْ أَيِّمٌ لَمْ يُزَوِّجْهَا حَتَّى يَعْلَمَ هَلْ لِلنَّبِيِّ صَلَّى اللَّهُ عَلَيْهِ وَسَلَّمَ فِيهَا حَاجَةٌ أَمْ لَا فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِرَجُلٍ مِنْ الْأَنْصَارِ زَوِّجْنِي ابْنَتَكَ فَقَالَ نِعِمَّ وَكَرَامَةٌ يَا رَسُولَ اللَّهِ وَنُعْمَ عَيْنِي فَقَالَ إِنِّي لَسْتُ أُرِيدُهَا لِنَفْسِي قَالَ فَلِمَنْ يَا رَسُولَ اللَّهِ قَالَ لِجُلَيْبِيبٍ قَالَ فَقَالَ يَا رَسُولَ اللَّهِ أُشَاوِرُ أُمَّهَا فَأَتَى أُمَّهَا فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَخْطُبُ ابْنَتَكِ فَقَالَتْ نِعِمَّ وَنُعْمَةُ عَيْنِي فَقَالَ إِنَّهُ لَيْسَ يَخْطُبُهَا لِنَفْسِهِ إِنَّمَا يَخْطُبُهَا لِجُلَيْبِيبٍ فَقَالَتْ أَجُلَيْبِيبٌ ابْنَهْ أَجُلَيْبِيبٌ ابْنَهْ أَجُلَيْبِيبٌ ابْنَهْ لَا لَعَمْرُ اللَّهِ لَا تُزَوَّجُهُ فَلَمَّا أَرَادَ أَنْ يَقُومَ لِيَأْتِيَ رَسُولَ اللَّهِ صَلَّى اللَّهُ عَلَيْهِ وَسَلَّمَ لِيُخْبِرَهُ بِمَا قَالَتْ أُمُّهَا قَالَتْ الْجَارِيَةُ مَنْ خَطَبَنِي إِلَيْكُمْ فَأَخْبَرَتْهَا أُمُّهَا فَقَالَتْ أَتَرُدُّونَ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ أَمْرَهُ ادْفَعُونِي فَإِنَّهُ لَمْ يُضَيِّعْنِي فَانْطَلَقَ أَبُوهَا إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ
Abu Barza al-Aslamiy (roziyallohu anhu)dan rivoyat qilinadi: Julaybib ayollarning oldiga kirib, ular bilan hazillashib yuradigan kishi edi. Men ayolimga: «Julaybib sizlarning oldingizga aslo kirmasin; agar u oldingizga kirsa, shunday-shunday qilaman», dedim. Ansorlardan birining beva yoki turmushga chiqmagan qarindoshi boʻlsa, Nabiy ﷺning unga hojatlari bor-yoʻqligini bilmagunicha uni turmushga bermas edi. Shunda Rasululloh ﷺ ansorlardan bir kishiga: «Qizingni menga (nikohlab) ber», dedilar. U: «Bosh ustiga, karomat bilan, yo Rasululloh! Koʻz ustiga!» dedi. U zot: «Men uni oʻzim uchun istayotganim yoʻq», dedilar. U: «Kim uchun, yo Rasululloh?» dedi. U zot: «Julaybib uchun», dedilar. U: «Yo Rasululloh, onasi bilan maslahatlashay», dedi va onasining oldiga borib: «Rasululloh ﷺ qizingga sovchi boʻlyaptilar», dedi. U: «Bosh ustiga, koʻz ustiga!» dedi. U: «U zot uni oʻzlari uchun soʻrayotganlari yoʻq, balki Julaybib uchun soʻrayaptilar», dedi. Shunda u: «Julaybibgami? Julaybibgami? Julaybibgami? Yoʻq, Allohning umriga qasamki, unga tegmaydi», dedi. Otasi Rasululloh ﷺ huzurlariga borib, onasi aytganini xabar qilmoqchi boʻlib turganida, qiz: «Meni kim sovchi qilib soʻradi?» dedi. Onasi unga xabar berdi. Qiz: «Rasululloh ﷺning amrlarini rad qilasizlarmi? Meni topshiringlar, zero u zot meni zoye qilmaydilar», dedi. Shunda otasi Rasululloh ﷺ huzurlariga bordi.Абу Барза ал-Асламий (розияллоҳу анҳу)дан ривоят қилинади: Жулайбиб аёлларнинг олдига кириб, улар билан ҳазиллашиб юрадиган киши эди. Мен аёлимга: «Жулайбиб сизларнинг олдингизга асло кирмасин; агар у олдингизга кирса, шундай-шундай қиламан», дедим. Ансорлардан бирининг бева ёки турмушга чиқмаган қариндоши бўлса, Набий ﷺнинг унга ҳожатлари бор-йўқлигини билмагунича уни турмушга бермас эди. Шунда Расулуллоҳ ﷺ ансорлардан бир кишига: «Қизингни менга (никоҳлаб) бер», дедилар. У: «Бош устига, каромат билан, ё Расулуллоҳ! Кўз устига!» деди. У зот: «Мен уни ўзим учун истаётганим йўқ», дедилар. У: «Ким учун, ё Расулуллоҳ?» деди. У зот: «Жулайбиб учун», дедилар. У: «Ё Расулуллоҳ, онаси билан маслаҳатлашай», деди ва онасининг олдига бориб: «Расулуллоҳ ﷺ қизингга совчи бўляптилар», деди. У: «Бош устига, кўз устига!» деди. У: «У зот уни ўзлари учун сўраётганлари йўқ, балки Жулайбиб учун сўраяптилар», деди. Шунда у: «Жулайбибгами? Жулайбибгами? Жулайбибгами? Йўқ, Аллоҳнинг умрига қасамки, унга тегмайди», деди. Отаси Расулуллоҳ ﷺ ҳузурларига бориб, онаси айтганини хабар қилмоқчи бўлиб турганида, қиз: «Мени ким совчи қилиб сўради?» деди. Онаси унга хабар берди. Қиз: «Расулуллоҳ ﷺнинг амрларини рад қиласизларми? Мени топширинглар, зеро у зот мени зое қилмайдилар», деди. Шунда отаси Расулуллоҳ ﷺ ҳузурларига борди.