Muoviya ibn Hayda (roziyallohu anhu) aytdi: Nabiy ﷺ qavmimdan bir necha kishini tuhmat sababli ushlab, hibsga oldilar. Qavmimdan bir kishi Nabiy ﷺ xutba qilib turganlarida huzurlariga kelib: «Ey Muhammad, qoʻshnilarimni nima uchun hibsda ushlab turibsan?» dedi. Nabiy ﷺ unga javob bermay jim turdilar. Shunda u: «Odamlar: ‹Sen yomonlikdan qaytarasan-u, oʻzing u bilan xoli boʻlasan›, deyishyapti», dedi. Nabiy ﷺ: «U nima deyapti?» dedilar. (Muoviya) aytdi: Men u zot buni eshitib qolib, qavmimga ular hech qachon najot topmaydigan bir duo qilishlaridan qoʻrqib, ikkovining orasida soʻzni chalgʻitardim. Nabiy ﷺ esa uni tushunib olgunlaricha (soʻrayverdilar) va: «Ular buni aytdilar — yoki ulardan aytuvchi (aytdi). Allohga qasamki, agar men shunday qilsam, u mening zararimga boʻlar edi, ularga esa (zarari) boʻlmas edi. Unga qoʻshnilarini qoʻyib yuboringlar», dedilar.Муовия ибн Ҳайда (розияллоҳу анҳу) айтди: Набий ﷺ қавмимдан бир неча кишини туҳмат сабабли ушлаб, ҳибсга олдилар. Қавмимдан бир киши Набий ﷺ хутба қилиб турганларида ҳузурларига келиб: «Эй Муҳаммад, қўшниларимни нима учун ҳибсда ушлаб турибсан?» деди. Набий ﷺ унга жавоб бермай жим турдилар. Шунда у: «Одамлар: ‹Сен ёмонликдан қайтарасан-у, ўзинг у билан холи бўласан›, дейишяпти», деди. Набий ﷺ: «У нима деяпти?» дедилар. (Муовия) айтди: Мен у зот буни эшитиб қолиб, қавмимга улар ҳеч қачон нажот топмайдиган бир дуо қилишларидан қўрқиб, икковининг орасида сўзни чалғитардим. Набий ﷺ эса уни тушуниб олгунларича (сўрайвердилар) ва: «Улар буни айтдилар — ёки улардан айтувчи (айтди). Аллоҳга қасамки, агар мен шундай қилсам, у менинг зараримга бўлар эди, уларга эса (зарари) бўлмас эди. Унга қўшниларини қўйиб юборинглар», дедилар.