Ubay ibn Kaʼb (roziyallohu anhu)dan rivoyat qilinadi: Bir kishi bor ediki, Madina ahlidan qiblaga qarab namoz oʻqiydiganlar orasida undan koʻra uyi masjiddan uzoqroq boʻlgan birorta insonni bilmasdim. U barcha namozlarni Nabiy ﷺ bilan birga ado etar edi. Men unga: «Qizigan qumda va qorongʻilikda minib yuradigan bir eshak sotib olsang boʻlmasmidi?» dedim. U: «Allohga qasamki, uyim Rasululloh ﷺning masjidlariga yopishib turishini ham yaxshi koʻrmayman», dedi. (Ubay) dedi: Men buni Rasululloh ﷺga xabar qildim, u zot undan bu haqda soʻradilar. U: «Ey Allohning Nabiysi, izlarim, ahlimga qaytishim va u tomon kelishim yozilishi uchun (shunday qilaman)», dedi. U zot: «Alloh senga shularning barchasini berdi», yoki: «Umid qilganingning hammasini senga ato etdi», dedilar — yoki u zot aytganlaridek.Убай ибн Каъб (розияллоҳу анҳу)дан ривоят қилинади: Бир киши бор эдики, Мадина аҳлидан қиблага қараб намоз ўқийдиганлар орасида ундан кўра уйи масжиддан узоқроқ бўлган бирорта инсонни билмасдим. У барча намозларни Набий ﷺ билан бирга адо этар эди. Мен унга: «Қизиган қумда ва қоронғиликда миниб юрадиган бир эшак сотиб олсанг бўлмасмиди?» дедим. У: «Аллоҳга қасамки, уйим Расулуллоҳ ﷺнинг масжидларига ёпишиб туришини ҳам яхши кўрмайман», деди. (Убай) деди: Мен буни Расулуллоҳ ﷺга хабар қилдим, у зот ундан бу ҳақда сўрадилар. У: «Эй Аллоҳнинг Набийси, изларим, аҳлимга қайтишим ва у томон келишим ёзилиши учун (шундай қиламан)», деди. У зот: «Аллоҳ сенга шуларнинг барчасини берди», ёки: «Умид қилганингнинг ҳаммасини сенга ато этди», дедилар — ёки у зот айтганларидек.