Ubay ibn Kaʼb (roziyallohu anhu)dan rivoyat qilinadi: Ansorlardan bir kishi bor edi, uning uyi Madinadagi eng chekka uy edi. Shunday boʻlsa-da, uning Rasululloh ﷺ bilan birga (oʻqiladigan) birorta namozi qolmasdi. (Ubay) dedi: Men unga achindim va: «Ey falonchi! Qizigan qumning issigʻidan va yerning hasharotlaridan saqlaydigan bir eshak sotib olsang boʻlmasmidi?» dedim. (U) dedi: «Allohga qasamki, uyim Muhammad ﷺning uylariga yondosh boʻlishini ham istamayman». (Ubay) dedi: Shunda men bundan ogʻir ranjib, Allohning Paygʻambari ﷺ huzuriga keldim va u zotga (buni) xabar qildim. U zot (haligi kishini) chaqirib (soʻradilar), u ham xuddi shunday (gapni) aytdi va qadamlari (izlari) savobini umid qilishini zikr qildi. Shunda Nabiy ﷺ unga: «Sen umid qilgan narsa albatta senga (beriladi)», dedilar.Убай ибн Каъб (розияллоҳу анҳу)дан ривоят қилинади: Ансорлардан бир киши бор эди, унинг уйи Мадинадаги энг чекка уй эди. Шундай бўлса-да, унинг Расулуллоҳ ﷺ билан бирга (ўқиладиган) бирорта намози қолмасди. (Убай) деди: Мен унга ачиндим ва: «Эй фалончи! Қизиган қумнинг иссиғидан ва ернинг ҳашаротларидан сақлайдиган бир эшак сотиб олсанг бўлмасмиди?» дедим. (У) деди: «Аллоҳга қасамки, уйим Муҳаммад ﷺнинг уйларига ёндош бўлишини ҳам истамайман». (Убай) деди: Шунда мен бундан оғир ранжиб, Аллоҳнинг Пайғамбари ﷺ ҳузурига келдим ва у зотга (буни) хабар қилдим. У зот (ҳалиги кишини) чақириб (сўрадилар), у ҳам худди шундай (гапни) айтди ва қадамлари (излари) савобини умид қилишини зикр қилди. Шунда Набий ﷺ унга: «Сен умид қилган нарса албатта сенга (берилади)», дедилар.