Ubay ibn Kaʼb (roziyallohu anhu)dan rivoyat qilinadi: Masjid chayla holida ekan, Rasululloh ﷺ bir xurmo tanasiga yaqinlashar va oʻsha tanaga (suyanib) xutba qilar edilar. Ashoblaridan bir kishi: «Ey Allohning Rasuli, sizga juma kuni ustida turadigan bir narsa qilib bersak — toki odamlar sizni koʻrsalar va siz ularga xutbangizni eshittirsangiz?» dedi. U zot: «Ha», dedilar. Shunda u zotga minbardagi mana shu uch pogʻona yasaldi. Minbar yasalib, Rasululloh ﷺ uni qoʻygan joyiga qoʻyilgach, u zot minbarga kelmoqchi boʻlib, tananing yonidan oʻtdilar. Undan oʻtganlarida, tana boʻkirdi, hatto yorilib, ikkiga boʻlindi. Shunda Rasululloh ﷺ qaytib, uni qoʻllari bilan siladilar, u tinchidi. Soʻng minbarga qaytdilar. U zot namoz oʻqiganlarida, oʻshanga qarab namoz oʻqir edilar. Masjid buzilib oʻzgartirilgach, oʻsha tanani Ubay ibn Kaʼb olib qoldi va u eskirib, qurt-qumursqa yeb, uvoq boʻlib qolgunicha uning huzurida turdi.Убай ибн Каъб (розияллоҳу анҳу)дан ривоят қилинади: Масжид чайла ҳолида экан, Расулуллоҳ ﷺ бир хурмо танасига яқинлашар ва ўша танага (суяниб) хутба қилар эдилар. Ашобларидан бир киши: «Эй Аллоҳнинг Расули, сизга жума куни устида турадиган бир нарса қилиб берсак — токи одамлар сизни кўрсалар ва сиз уларга хутбангизни эшиттирсангиз?» деди. У зот: «Ҳа», дедилар. Шунда у зотга минбардаги мана шу уч поғона ясалди. Минбар ясалиб, Расулуллоҳ ﷺ уни қўйган жойига қўйилгач, у зот минбарга келмоқчи бўлиб, тананинг ёнидан ўтдилар. Ундан ўтганларида, тана бўкирди, ҳатто ёрилиб, иккига бўлинди. Шунда Расулуллоҳ ﷺ қайтиб, уни қўллари билан силадилар, у тинчиди. Сўнг минбарга қайтдилар. У зот намоз ўқиганларида, ўшанга қараб намоз ўқир эдилар. Масжид бузилиб ўзгартирилгач, ўша танани Убай ибн Каъб олиб қолди ва у эскириб, қурт-қумурсқа еб, увоқ бўлиб қолгунича унинг ҳузурида турди.