Usoma ibn Zayd (roziyallohu anhu)dan rivoyat qilinadi: Nabiy ﷺning qizlari: «Mening oʻgʻlim jon berayapti, bizning oldimizga keling», deb odam yubordi. U zot salom yoʻllab: «Olgani ham Allohniki, bergani ham Allohniki; Uning huzurida har bir narsa belgilangan ajal bilandir», deb javob yubordilar. Soʻng u, u zot albatta kelsinlar deb qasam ichib yana odam yubordi. Bas, u zot turdilar, biz — Muoz ibn Jabal, Ubayy ibn Kaʼb va Saʼd ibn Uboda — u zot bilan birga turdik. U zot bolani oldilar, uning joni xirillab turardi. Shunda u zotning koʻzlaridan yosh oqdi. Saʼd: «Yo Rasululloh, bu nima?» dedi. U zot: «Bu — Alloh bandalarining qalbiga qoʻygan rahmatdir. Alloh esa bandalaridan faqat rahmdillariga rahm qiladi», dedilar.Усома ибн Зайд (розияллоҳу анҳу)дан ривоят қилинади: Набий ﷺнинг қизлари: «Менинг ўғлим жон бераяпти, бизнинг олдимизга келинг», деб одам юборди. У зот салом йўллаб: «Олгани ҳам Аллоҳники, бергани ҳам Аллоҳники; Унинг ҳузурида ҳар бир нарса белгиланган ажал биландир», деб жавоб юбордилар. Сўнг у, у зот албатта келсинлар деб қасам ичиб яна одам юборди. Бас, у зот турдилар, биз — Муоз ибн Жабал, Убайй ибн Каъб ва Саъд ибн Убода — у зот билан бирга турдик. У зот болани олдилар, унинг жони хириллаб турарди. Шунда у зотнинг кўзларидан ёш оқди. Саъд: «Ё Расулуллоҳ, бу нима?» деди. У зот: «Бу — Аллоҳ бандаларининг қалбига қўйган раҳматдир. Аллоҳ эса бандаларидан фақат раҳмдилларига раҳм қилади», дедилар.