Oisha (roziyallohu anho) dedi: Maxzumiy bir ayol narsalarni ariyat (vaqtincha) olib, soʻng uni inkor qilar edi. Shunda Nabiy ﷺ uning qoʻlini kesishga buyurdilar. Uning ahli Usoma ibn Zayd huzuriga kelib, u bilan gaplashdilar; Usoma esa Nabiy ﷺ bilan gaplashdi. Nabiy ﷺ unga: «Ey Usoma, seni Alloh azza va jallaning hadlaridan bir had haqida men bilan gaplashayotgan holda koʻrmay», dedilar. Soʻng Nabiy ﷺ xutba qilib turdilar-da: «Sizlardan oldingilar shu sababdan halok boʻlganlar: ular orasida sharafli kishi oʻgʻirlik qilsa, uni qoʻyib yuborardilar; ojiz kishi oʻgʻirlik qilsa, uning (qoʻlini) kesardilar. Jonim qoʻlida boʻlgan Zotga qasamki, agar Muhammadning qizi Fotima (oʻgʻirlik qilgan) boʻlsa ham, albatta uning qoʻlini kesardim», dedilar. Bas, oʻsha maxzumiy ayolning qoʻlini kesdilar.Оиша (розияллоҳу анҳо) деди: Махзумий бир аёл нарсаларни арият (вақтинча) олиб, сўнг уни инкор қилар эди. Шунда Набий ﷺ унинг қўлини кесишга буюрдилар. Унинг аҳли Усома ибн Зайд ҳузурига келиб, у билан гаплашдилар; Усома эса Набий ﷺ билан гаплашди. Набий ﷺ унга: «Эй Усома, сени Аллоҳ азза ва жалланинг ҳадларидан бир ҳад ҳақида мен билан гаплашаётган ҳолда кўрмай», дедилар. Сўнг Набий ﷺ хутба қилиб турдилар-да: «Сизлардан олдингилар шу сабабдан ҳалок бўлганлар: улар орасида шарафли киши ўғирлик қилса, уни қўйиб юборардилар; ожиз киши ўғирлик қилса, унинг (қўлини) кесардилар. Жоним қўлида бўлган Зотга қасамки, агар Муҳаммаднинг қизи Фотима (ўғирлик қилган) бўлса ҳам, албатта унинг қўлини кесардим», дедилар. Бас, ўша махзумий аёлнинг қўлини кесдилар.