حَدَّثَنَا كَثِيرُ بْنُ هِشَامٍ قَالَ حَدَّثَنَا جَعْفَرُ بْنُ بُرْقَانَ قَالَ سَأَلْتُ الزُّهْرِيَّ عَنْ الرَّجُلِ يُخَيِّرُ امْرَأَتَهُ فَتَخْتَارُهُ قَالَ حَدَّثَنِي عُرْوَةُ بْنُ الزُّبَيْرِ عَنْ عَائِشَةَ قَالَتْأَتَانِي رَسُولُ اللَّهِ صَلَّى اللَّهُ عَلَيْهِ وَسَلَّمَ فَقَالَ إِنِّي سَأَعْرِضُ عَلَيْكِ أَمْرًا فَلَا عَلَيْكِ أَنْ لَا تَعْجَلِي فِيهِ حَتَّى تُشَاوِرِي أَبَوَيْكِ فَقُلْتُ وَمَا هَذَا الْأَمْرُ قَالَتْ فَتَلَا عَلَيَّ {يَا أَيُّهَا النَّبِيُّ قُلْ لِأَزْوَاجِكَ إِنْ كُنْتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا وَإِنْ كُنْتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنْكُنَّ أَجْرًا عَظِيمًا} قَالَتْ عَائِشَةُ فَقُلْتُ وَفِي أَيِّ ذَلِكَ تَأْمُرُنِي أُشَاوِرُ أَبَوَيَّ بَلْ أُرِيدُ اللَّهَ وَرَسُولَهُ وَالدَّارَ الْآخِرَةَ قَالَتْ فَسُرَّ بِذَلِكَ النَّبِيُّ صَلَّى اللَّهُ عَلَيْهِ وَسَلَّمَ وَأَعْجَبَهُ وَقَالَ سَأَعْرِضُ عَلَى صَوَاحِبِكِ مَا عَرَضْتُ عَلَيْكِ قَالَتْ فَقُلْتُ لَهُ فَلَا تُخْبِرْهُنَّ بِالَّذِي اخْتَرْتُ فَلَمْ يَفْعَلْ وَكَانَ يَقُولُ لَهُنَّ كَمَا قَالَ لِعَائِشَةَ ثُمَّ يَقُولُ قَدْ اخْتَارَتْ عَائِشَةُ اللَّهَ وَرَسُولَهُ وَالدَّارَ الْآخِرَةَ قَالَتْ عَائِشَةُ قَدْ خَيَّرَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ فَلَمْ نَرَ ذَلِكَ طَلَاقًا
Oisha (roziyallohu anho)dan rivoyat qilinadi: Rasululloh ﷺ mening oldimga kelib: «Men senga bir ishni koʻndalang qilaman, ota-onang bilan maslahatlashmaguningcha unda shoshilmasang boʻladi», dedilar. Men: «Bu qanday ish?» dedim. (Oisha) aytdi: Shunda u zot menga: {Ey Nabiy, xotinlaringga aytgin: ‹Agar sizlar dunyo hayotini va uning ziynatini istasangiz, kelinglar, sizlarni bahramand qilay va goʻzal qoʻyib yuborish bilan qoʻyib yuboray. Agar sizlar Allohni, Uning Rasulini va oxirat yurtini istasangiz, bas, albatta Alloh sizlardan yaxshilik qiluvchilarga ulkan ajrni tayyorlab qoʻygandir›} (oyatini) tilovat qilib berdilar. Oisha aytdi: Men: «Buning qaysi (jihati) haqida ota-onam bilan maslahatlashishga buyurasiz? Balki men Allohni, Uning Rasulini va oxirat yurtini istayman», dedim. (Oisha) aytdi: Nabiy ﷺ bundan xursand boʻldilar va bu u zotga yoqdi. Soʻng: «Men senga koʻndalang qilgan narsani kundoshlaringga ham koʻndalang qilaman», dedilar. (Oisha) aytdi: Men u zotga: «Ularga men ixtiyor qilgan narsani aytmang», dedim, lekin u zot unday qilmadilar. U zot ularga ham Oishaga aytganlaridek der, soʻng: «Oisha Allohni, Uning Rasulini va oxirat yurtini ixtiyor qildi», der edilar. Oisha aytdi: Rasululloh ﷺ bizni ixtiyorga qoʻydilar, biz esa buni taloq deb bilmadik.Оиша (розияллоҳу анҳо)дан ривоят қилинади: Расулуллоҳ ﷺ менинг олдимга келиб: «Мен сенга бир ишни кўндаланг қиламан, ота-онанг билан маслаҳатлашмагунингча унда шошилмасанг бўлади», дедилар. Мен: «Бу қандай иш?» дедим. (Оиша) айтди: Шунда у зот менга: {Эй Набий, хотинларингга айтгин: ‹Агар сизлар дунё ҳаётини ва унинг зийнатини истасангиз, келинглар, сизларни баҳраманд қилай ва гўзал қўйиб юбориш билан қўйиб юборай. Агар сизлар Аллоҳни, Унинг Расулини ва охират юртини истасангиз, бас, албатта Аллоҳ сизлардан яхшилик қилувчиларга улкан ажрни тайёрлаб қўйгандир›} (оятини) тиловат қилиб бердилар. Оиша айтди: Мен: «Бунинг қайси (жиҳати) ҳақида ота-онам билан маслаҳатлашишга буюрасиз? Балки мен Аллоҳни, Унинг Расулини ва охират юртини истайман», дедим. (Оиша) айтди: Набий ﷺ бундан хурсанд бўлдилар ва бу у зотга ёқди. Сўнг: «Мен сенга кўндаланг қилган нарсани кундошларингга ҳам кўндаланг қиламан», дедилар. (Оиша) айтди: Мен у зотга: «Уларга мен ихтиёр қилган нарсани айтманг», дедим, лекин у зот ундай қилмадилар. У зот уларга ҳам Оишага айтганларидек дер, сўнг: «Оиша Аллоҳни, Унинг Расулини ва охират юртини ихтиёр қилди», дер эдилар. Оиша айтди: Расулуллоҳ ﷺ бизни ихтиёрга қўйдилар, биз эса буни талоқ деб билмадик.