حَدَّثَنَا عَبْدُ الصَّمَدِ بْنُ عَبْدِ الْوَارِثِ قَالَ حَدَّثَنَا أَبَانُ الْعَطَّارُ قَالَ حَدَّثَنَا هِشَامُ بْنُ عُرْوَةَ عَنْ عُرْوَةَأَنَّ عَبْدَ الْمَلِكِ بْنَ مَرْوَانَ كَتَبَ إِلَيْهِ يَسْأَلُهُ عَنْ أَشْيَاءَ فَكَتَبَ إِلَيْهِ عُرْوَةُ سَلَامٌ عَلَيْكَ فَإِنِّي أَحْمَدُ إِلَيْكَ اللَّهَ الَّذِي لَا إِلَهَ إِلَّا هُوَ أَمَّا بَعْدُ فَإِنَّكَ كَتَبْتَ إِلَيَّ تَسْأَلُنِي عَنْ أَشْيَاءَ فَذَكَرَ الْحَدِيثَ قَالَ فَأَخْبَرَتْنِي عَائِشَةُ أَنَّهُمْ بَيْنَمَا هُمْ ظُهْرًا فِي بَيْتِهِمْ وَلَيْسَ عِنْدَ أَبِي بَكْرٍ إِلَّا ابْنَتَاهُ عَائِشَةُ وَأَسْمَاءُ إِذَا هُمْ بِرَسُولِ اللَّهِ صَلَّى اللَّهُ عَلَيْهِ وَسَلَّمَ حِينَ قَامَ قَائِمُ الظَّهِيرَةِ وَكَانَ لَا يُخْطِئُهُ يَوْمًا أَنْ يَأْتِيَ بَيْتَ أَبِي بَكْرٍ أَوَّلَ النَّهَارِ وَآخِرَهُ فَلَمَّا رَآهُ أَبُو بَكْرٍ جَاءَ ظُهْرًا فَقَالَ مَا جَاءَ بِكَ يَا نَبِيَّ اللَّهِ إِلَّا أَمْرٌ حَدَثَ فَلَمَّا دَخَلَ عَلَيْهِمْ الْبَيْتَ قَالَ لِأَبِي بَكْرٍ أَخْرِجْ مَنْ عِنْدَكَ فَقَالَ لَيْسَ عَلَيْكَ عَيْنٌ إِنَّمَا هُمَا ابْنَتَايَ قَالَ إِنَّ اللَّهَ عَزَّ وَجَلَّ قَدْ أَذِنَ لِي بِالْخُرُوجِ إِلَى الْمَدِينَةِ فَقَالَ أَبُو بَكْرٍ يَا رَسُولَ اللَّهِ الصَّحَابَةَ قَالَ الصَّحَابَةَ فَقَالَ أَبُو بَكْرٍ خُذْ إِحْدَى الرَّاحِلَتَيْنِ وَهُمَا الرَّاحِلَتَانِ اللَّتَانِ كَانَ يَعْلِفُ أَبُو بَكْرٍ يُعِدُّهُمَا لِلْخُرُوجِ إِذَا أُذِنَ لِرَسُولِ اللَّهِ صَلَّى اللَّهُ عَلَيْهِ وَسَلَّمَ فَأَعْطَاهُ أَبُو بَكْرٍ إِحْدَى الرَّاحِلَتَيْنِ فَقَالَ خُذْهَا يَا رَسُولَ اللَّهِ فَارْكَبْهَا فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ قَدْ أَخَذْتُهَا بِالثَّمَنِ
Urva (rahimahulloh)dan rivoyat qilinadi: Abdulmalik ibn Marvon unga xat yozib, baʼzi narsalar haqida soʻradi. Urva unga: «Assalomu alayka! Albatta men senga Undan boʻlak iloh yoʻq Allohga hamd aytaman. Ammo baʼd: sen menga xat yozib, baʼzi narsalar haqida soʻrabsan», deb yozdi — soʻng hadisni zikr qildi. (Urva) dedi: Oisha menga xabar berdiki, ular kunduzi uylarida edilar, Abu Bakrning huzurida ikki qizi — Oisha va Asmodan boshqa hech kim yoʻq edi. Shu asnoda kun tikkaga kelgan payt Rasululloh ﷺ (kelib qoldilar). U zot Abu Bakrning uyiga kunning avvalida va oxirida kelishni birorta kun ham qoldirmas edilar. Abu Bakr u zotning peshin paytida kelganlarini koʻrgach: «Sizni, ey Allohning Nabiysi, faqat bir ish yuz bergani keltirdi», dedi. U zot uyga kirganlarida Abu Bakrga: «Yoningdagilarni chiqar», dedilar. U: «Sizga (begona) koʻz yoʻq, bular mening ikki qizim, xolos», dedi. U zot: «Albatta, Alloh azza va jalla menga Madinaga chiqishga izn berdi», dedilar. Abu Bakr: «Yo Rasululloh, hamrohlik (ni istayman)!» dedi. U zot: «Hamrohlik (senga)», dedilar. Abu Bakr: «Ikki ulovdan birini oling», dedi. Bu ikki ulov Abu Bakr Rasululloh ﷺga izn berilgan chogʻda chiqish uchun tayyorlab, boqib yurgan ikki ulov edi. Bas, Abu Bakr u zotga ikki ulovdan birini berib: «Uni oling, yo Rasululloh, unga mining», dedi. Rasululloh ﷺ: «Uni narxi bilan oldim», dedilar.Урва (раҳимаҳуллоҳ)дан ривоят қилинади: Абдулмалик ибн Марвон унга хат ёзиб, баъзи нарсалар ҳақида сўради. Урва унга: «Ассалому алайка! Албатта мен сенга Ундан бўлак илоҳ йўқ Аллоҳга ҳамд айтаман. Аммо баъд: сен менга хат ёзиб, баъзи нарсалар ҳақида сўрабсан», деб ёзди — сўнг ҳадисни зикр қилди. (Урва) деди: Оиша менга хабар бердики, улар кундузи уйларида эдилар, Абу Бакрнинг ҳузурида икки қизи — Оиша ва Асмодан бошқа ҳеч ким йўқ эди. Шу аснода кун тиккага келган пайт Расулуллоҳ ﷺ (келиб қолдилар). У зот Абу Бакрнинг уйига куннинг аввалида ва охирида келишни бирорта кун ҳам қолдирмас эдилар. Абу Бакр у зотнинг пешин пайтида келганларини кўргач: «Сизни, эй Аллоҳнинг Набийси, фақат бир иш юз бергани келтирди», деди. У зот уйга кирганларида Абу Бакрга: «Ёнингдагиларни чиқар», дедилар. У: «Сизга (бегона) кўз йўқ, булар менинг икки қизим, холос», деди. У зот: «Албатта, Аллоҳ азза ва жалла менга Мадинага чиқишга изн берди», дедилар. Абу Бакр: «Ё Расулуллоҳ, ҳамроҳлик (ни истайман)!» деди. У зот: «Ҳамроҳлик (сенга)», дедилар. Абу Бакр: «Икки уловдан бирини олинг», деди. Бу икки улов Абу Бакр Расулуллоҳ ﷺга изн берилган чоғда чиқиш учун тайёрлаб, боқиб юрган икки улов эди. Бас, Абу Бакр у зотга икки уловдан бирини бериб: «Уни олинг, ё Расулуллоҳ, унга мининг», деди. Расулуллоҳ ﷺ: «Уни нархи билан олдим», дедилар.