Yusuf ibn Mohak rivoyat qilishicha, u Ummu Honiʼ binti Abu Tolibning huzuriga kirib, undan Rasululloh ﷺ ning Fath kuni (uning uyiga) kirishlari haqida soʻradi va: «Nabiy ﷺ sening uyingda namoz oʻqidilarmi?» dedi. U: «U zot chosh paytida kirdilar, men u zotga bizning bir tovoqchamizga suv quyib berdim, men unda xamir izini koʻrib turardim», dedi. Yusuf aytdi: Men u menga qaysi birini aytganini bilmayman — tahorat qildilarmi yoki gʻusl qildilarmi. «Soʻng u zot bu masjidda — uning uyidagi namozgohda — toʻrt rakaat namoz oʻqidilar». Yusuf aytdi: Men turib, uning mesh(idagi suv)dan tahorat qildim va oʻsha masjidda toʻrt rakaat namoz oʻqidim.Юсуф ибн Моҳак ривоят қилишича, у Умму Ҳониъ бинти Абу Толибнинг ҳузурига кириб, ундан Расулуллоҳ ﷺ нинг Фатҳ куни (унинг уйига) киришлари ҳақида сўради ва: «Набий ﷺ сенинг уйингда намоз ўқидиларми?» деди. У: «У зот чош пайтида кирдилар, мен у зотга бизнинг бир товоқчамизга сув қуйиб бердим, мен унда хамир изини кўриб турардим», деди. Юсуф айтди: Мен у менга қайси бирини айтганини билмайман — таҳорат қилдиларми ёки ғусл қилдиларми. «Сўнг у зот бу масжидда — унинг уйидаги намозгоҳда — тўрт ракаат намоз ўқидилар». Юсуф айтди: Мен туриб, унинг меш(идаги сув)дан таҳорат қилдим ва ўша масжидда тўрт ракаат намоз ўқидим.