حَدَّثَنَا قُتَيْبَةُ بْنُ سَعِيدٍ، حَدَّثَنَا يَعْقُوبُ بْنُ عَبْدِ الرَّحْمَنِ، عَنْ أَبِي حَازِمٍ، عَنْ سَهْلِ بْنِ سَعْدٍ السَّاعِدِيِّ ـ رضى الله عنه ـ أَنَّ رَسُولَ اللَّهِ صلى الله عليه وسلم بَلَغَهُ أَنَّ بَنِي عَمْرِو بْنِ عَوْفٍ كَانَ بَيْنَهُمْ شَىْءٌ فَخَرَجَ رَسُولُ اللَّهِ صلى الله عليه وسلم يُصْلِحُ بَيْنَهُمْ فِي أُنَاسٍ مَعَهُ، فَحُبِسَ رَسُولُ اللَّهِ صلى الله عليه وسلم وَحَانَتِ الصَّلاَةُ فَجَاءَ بِلاَلٌ إِلَى أَبِي بَكْرٍ ـ رضى الله عنه ـ فَقَالَ يَا أَبَا بَكْرٍ إِنَّ رَسُولَ اللَّهِ صلى الله عليه وسلم قَدْ حُبِسَ وَقَدْ حَانَتِ الصَّلاَةُ فَهَلْ لَكَ أَنْ تَؤُمَّ النَّاسَ قَالَ نَعَمْ إِنْ شِئْتَ. فَأَقَامَ بِلاَلٌ وَتَقَدَّمَ أَبُو بَكْرٍ ـ رضى الله عنه ـ فَكَبَّرَ لِلنَّاسِ وَجَاءَ رَسُولُ اللَّهِ صلى الله عليه وسلم يَمْشِي فِي الصُّفُوفِ حَتَّى قَامَ فِي الصَّفِّ، فَأَخَذَ النَّاسُ فِي التَّصْفِيقِ، وَكَانَ أَبُو بَكْرٍ ـ رضى الله عنه ـ لاَ يَلْتَفِتُ فِي صَلاَتِهِ، فَلَمَّا أَكْثَرَ النَّاسُ الْتَفَتَ فَإِذَا رَسُولُ اللَّهِ صلى الله عليه وسلم فَأَشَارَ إِلَيْهِ رَسُولُ اللَّهِ صلى الله عليه وسلم يَأْمُرُهُ أَنْ يُصَلِّيَ، فَرَفَعَ أَبُو بَكْرٍ ـ رضى الله عنه ـ يَدَيْهِ فَحَمِدَ اللَّهَ وَرَجَعَ الْقَهْقَرَى وَرَاءَهُ حَتَّى قَامَ فِي الصَّفِّ، فَتَقَدَّمَ رَسُولُ اللَّهِ صلى الله عليه وسلم فَصَلَّى لِلنَّاسِ فَلَمَّا فَرَغَ أَقْبَلَ عَلَى النَّاسِ فَقَالَ " يَا أَيُّهَا النَّاسُ مَا لَكُمْ حِينَ نَابَكُمْ شَىْءٌ فِي الصَّلاَةِ أَخَذْتُمْ فِي التَّصْفِيقِ، إِنَّمَا التَّصْفِيقُ لِلنِّسَاءِ، مَنْ نَابَهُ شَىْءٌ فِي صَلاَتِهِ فَلْيَقُلْ سُبْحَانَ اللَّهِ. فَإِنَّهُ لاَ يَسْمَعُهُ أَحَدٌ حِينَ يَقُولُ سُبْحَانَ اللَّهِ إِلاَّ الْتَفَتَ، يَا أَبَا بَكْرٍ مَا مَنَعَكَ أَنْ تُصَلِّيَ لِلنَّاسِ حِينَ أَشَرْتُ إِلَيْكَ ". فَقَالَ أَبُو بَكْرٍ ـ رضى الله عنه ـ مَا كَانَ يَنْبَغِي لاِبْنِ أَبِي قُحَافَةَ أَنْ يُصَلِّيَ بَيْنَ يَدَىْ رَسُولِ اللَّهِ صلى الله عليه وسلم.
Sahl ibn Saʼd as-Soidiy (roziyallohu anhu)dan rivoyat qilinadi: Bani Amr ibn Avf ahli orasidagi nizo haqidagi xabar Rasululloh ﷺ ga yetdi va u zot baʼzi sahobalari bilan — ular orasida yarashtirish uchun — ularning oldiga bordilar. Rasululloh ﷺ oʻsha yerda ushlanib qoldilar va namoz vaqti kirdi. Bilol Abu Bakrning oldiga borib, unga: «Rasululloh ﷺ (oʻsha yerda) ushlanib qoldilar va namoz vaqti kirdi. Odamlarga namozga imomlik qilasizmi?» — dedi. Abu Bakr: «Ha, xohlasang», — dedi. Bilol iqomat aytdi va Abu Bakr oldinga oʻtib, odamlar uchun takbir aytdi. Shu orada Rasululloh ﷺ (namoz oʻqiyotgan odamlarning) saflarini yorib oʻtib, (birinchi) safda turdilar va odamlar qarsak chalish boshladi. Abu Bakr namozida yon tomonga qaramas edi, lekin odamlar koʻp qarsak chalgach, u orqaga qaradi va Rasululloh ﷺ ni (koʻrdi). Rasululloh ﷺ unga namozni davom ettirishni imo qildilar. Abu Bakr qoʻllarini koʻtarib, Allohga hamd aytdi, soʻng — (birinchi) safga yetguncha — orqaga chekindi. Rasululloh ﷺ oldinga oʻtib, odamlarga namozga imomlik qildilar. U zot namozni tugatgach, odamlarga yuzlanib: «Ey odamlar, namozda sizlarga biror gʻayriodatiy (narsa) yuz bersa, nega qarsak chalish boshladingiz? Qarsak chalish — faqat ayollar uchun(dir). Bas, sizlardan kim namozda biror (narsa)ga duch kelsa, ‹Subhanalloh›, — desin; chunki uning ‹Subhanalloh› deganini eshitib, orqaga oʻgirilmaydigan (kishi) yoʻq. Ey Abu Bakr, men senga imo qilganimda, seni odamlarga namozga imomlik qilishdan nima toʻsdi?» — dedilar. Abu Bakr: «Ibn Abu Quhofa Rasululloh ﷺ ning huzurida namozga imomlik qilishga qanday jurʼat etsin?» — deb javob berdi.Саҳл ибн Саъд ас-Соидий (розияллоҳу анҳу)дан ривоят қилинади: Бани Амр ибн Авф аҳли орасидаги низо ҳақидаги хабар Расулуллоҳ ﷺ га етди ва у зот баъзи саҳобалари билан — улар орасида яраштириш учун — уларнинг олдига бордилар. Расулуллоҳ ﷺ ўша ерда ушланиб қолдилар ва намоз вақти кирди. Билол Абу Бакрнинг олдига бориб, унга: «Расулуллоҳ ﷺ (ўша ерда) ушланиб қолдилар ва намоз вақти кирди. Одамларга намозга имомлик қиласизми?» — деди. Абу Бакр: «Ҳа, хоҳласанг», — деди. Билол иқомат айтди ва Абу Бакр олдинга ўтиб, одамлар учун такбир айтди. Шу орада Расулуллоҳ ﷺ (намоз ўқиётган одамларнинг) сафларини ёриб ўтиб, (биринчи) сафда турдилар ва одамлар қарсак чалиш бошлади. Абу Бакр намозида ён томонга қарамас эди, лекин одамлар кўп қарсак чалгач, у орқага қаради ва Расулуллоҳ ﷺ ни (кўрди). Расулуллоҳ ﷺ унга намозни давом эттиришни имо қилдилар. Абу Бакр қўлларини кўтариб, Аллоҳга ҳамд айтди, сўнг — (биринчи) сафга етгунча — орқага чекинди. Расулуллоҳ ﷺ олдинга ўтиб, одамларга намозга имомлик қилдилар. У зот намозни тугатгач, одамларга юзланиб: «Эй одамлар, намозда сизларга бирор ғайриодатий (нарса) юз берса, нега қарсак чалиш бошладингиз? Қарсак чалиш — фақат аёллар учун(дир). Бас, сизлардан ким намозда бирор (нарса)га дуч келса, ‹Субҳаналлоҳ›, — десин; чунки унинг ‹Субҳаналлоҳ› деганини эшитиб, орқага ўгирилмайдиган (киши) йўқ. Эй Абу Бакр, мен сенга имо қилганимда, сени одамларга намозга имомлик қилишдан нима тўсди?» — дедилар. Абу Бакр: «Ибн Абу Қуҳофа Расулуллоҳ ﷺ нинг ҳузурида намозга имомлик қилишга қандай журъат эцин?» — деб жавоб берди.