حَدَّثَنَا إِبْرَاهِيمُ بْنُ الْمُنْذِرِ، حَدَّثَنَا أَنَسٌ، عَنْ هِشَامٍ، عَنْ وَهْبِ بْنِ كَيْسَانَ، عَنْ جَابِرِ بْنِ عَبْدِ اللَّهِ ـ رضى الله عنهما ـ أَنَّهُ أَخْبَرَهُ أَنَّ أَبَاهُ تُوُفِّيَ، وَتَرَكَ عَلَيْهِ ثَلاَثِينَ وَسْقًا لِرَجُلٍ مِنَ الْيَهُودِ، فَاسْتَنْظَرَهُ جَابِرٌ، فَأَبَى أَنْ يُنْظِرَهُ، فَكَلَّمَ جَابِرٌ رَسُولَ اللَّهِ صلى الله عليه وسلم لِيَشْفَعَ لَهُ إِلَيْهِ، فَجَاءَ رَسُولُ اللَّهِ صلى الله عليه وسلم وَكَلَّمَ الْيَهُودِيَّ لِيَأْخُذَ ثَمَرَ نَخْلِهِ بِالَّذِي لَهُ فَأَبَى، فَدَخَلَ رَسُولُ اللَّهِ صلى الله عليه وسلم النَّخْلَ، فَمَشَى فِيهَا ثُمَّ قَالَ لِجَابِرٍ " جُدَّ لَهُ فَأَوْفِ لَهُ الَّذِي لَهُ ". فَجَدَّهُ بَعْدَ مَا رَجَعَ رَسُولُ اللَّهِ صلى الله عليه وسلم فَأَوْفَاهُ ثَلاَثِينَ وَسْقًا، وَفَضَلَتْ لَهُ سَبْعَةَ عَشَرَ وَسْقًا، فَجَاءَ جَابِرٌ رَسُولَ اللَّهِ صلى الله عليه وسلم لِيُخْبِرَهُ بِالَّذِي كَانَ، فَوَجَدَهُ يُصَلِّي الْعَصْرَ، فَلَمَّا انْصَرَفَ أَخْبَرَهُ بِالْفَضْلِ، فَقَالَ " أَخْبِرْ ذَلِكَ ابْنَ الْخَطَّابِ ". فَذَهَبَ جَابِرٌ إِلَى عُمَرَ، فَأَخْبَرَهُ. فَقَالَ لَهُ عُمَرُ لَقَدْ عَلِمْتُ حِينَ مَشَى فِيهَا رَسُولُ اللَّهِ صلى الله عليه وسلم لَيُبَارَكَنَّ فِيهَا.
Jobir ibn Abdulloh (roziyallohu anhumo)dan rivoyat qilinadi: Otam vafot etganda, u bir yahudiyga oʻttiz vasq (xurmo) qarzdor edi. Men undan — toʻlash uchun — muhlat soʻradim, lekin u rad etdi. Men Allohning Rasuli ﷺ dan — yahudiy bilan vositachilik qilishni — soʻradim. Allohning Rasuli ﷺ yahudiyning oldiga borib, undan — qarz oʻrniga mening daraxtlarim mevasini qabul qilishni — soʻradi, lekin yahudiy rad etdi. Allohning Rasuli ﷺ xurmozor bogʻiga kirdi, daraxtlar orasida yurdi va menga (shunday deb) buyurdi: «(Mevani) ter va unga haqini ber». Bas, men Allohning Rasuli ﷺ ketgandan soʻng, unga meva terdim va uning oʻttiz vasqini berdim hamda oʻzimga (yana) oʻn yetti vasq ortiq qoldi. Jobir dedi: Men Allohning Rasuli ﷺ ning oldiga — boʻlgan (voqea)ni xabar berish uchun — bordim, lekin u zotni asr namozini oʻqiyotgan topdim. Namozdan soʻng men u zotga — qolgan ortiqcha mevalar haqida — aytdim. Allohning Rasuli ﷺ menga — buni (Umar) Ibn Xattobga xabar berishni — aytdi. Men Umar oldiga borib, unga bu haqda aytganimda, Umar: «Allohning Rasuli ﷺ sening bogʻingda yurganda, men — Alloh uni, albatta, barakatli qilishiga — ishongan edim», — dedi.Жобир ибн Абдуллоҳ (розияллоҳу анҳумо)дан ривоят қилинади: Отам вафот этганда, у бир яҳудийга ўттиз васқ (хурмо) қарздор эди. Мен ундан — тўлаш учун — муҳлат сўрадим, лекин у рад этди. Мен Аллоҳнинг Расули ﷺ дан — яҳудий билан воситачилик қилишни — сўрадим. Аллоҳнинг Расули ﷺ яҳудийнинг олдига бориб, ундан — қарз ўрнига менинг дарахтларим мевасини қабул қилишни — сўради, лекин яҳудий рад этди. Аллоҳнинг Расули ﷺ хурмозор боғига кирди, дарахтлар орасида юрди ва менга (шундай деб) буюрди: «(Мевани) тер ва унга ҳақини бер». Бас, мен Аллоҳнинг Расули ﷺ кетгандан сўнг, унга мева тердим ва унинг ўттиз васқини бердим ҳамда ўзимга (яна) ўн етти васқ ортиқ қолди. Жобир деди: Мен Аллоҳнинг Расули ﷺ нинг олдига — бўлган (воқеа)ни хабар бериш учун — бордим, лекин у зотни аср намозини ўқиётган топдим. Намоздан сўнг мен у зотга — қолган ортиқча мевалар ҳақида — айтдим. Аллоҳнинг Расули ﷺ менга — буни (Умар) Ибн Хаттобга хабар беришни — айтди. Мен Умар олдига бориб, унга бу ҳақда айтганимда, Умар: «Аллоҳнинг Расули ﷺ сенинг боғингда юрганда, мен — Аллоҳ уни, албатта, баракатли қилишига — ишонган эдим», — деди.