حَدَّثَنَا حَفْصُ بْنُ عُمَرَ الْحَوْضِيُّ، حَدَّثَنَا هَمَّامٌ، عَنْ إِسْحَاقَ، عَنْ أَنَسٍ ـ رضى الله عنه ـ قَالَ بَعَثَ النَّبِيُّ صلى الله عليه وسلم أَقْوَامًا مِنْ بَنِي سُلَيْمٍ إِلَى بَنِي عَامِرٍ فِي سَبْعِينَ، فَلَمَّا قَدِمُوا، قَالَ لَهُمْ خَالِي أَتَقَدَّمُكُمْ، فَإِنْ أَمَّنُونِي حَتَّى أُبَلِّغَهُمْ عَنْ رَسُولِ اللَّهِ صلى الله عليه وسلم وَإِلاَّ كُنْتُمْ مِنِّي قَرِيبًا. فَتَقَدَّمَ، فَأَمَّنُوهُ، فَبَيْنَمَا يُحَدِّثُهُمْ عَنِ النَّبِيِّ صلى الله عليه وسلم إِذْ أَوْمَئُوا إِلَى رَجُلٍ مِنْهُمْ، فَطَعَنَهُ فَأَنْفَذَهُ فَقَالَ اللَّهُ أَكْبَرُ، فُزْتُ وَرَبِّ الْكَعْبَةِ. ثُمَّ مَالُوا عَلَى بَقِيَّةِ أَصْحَابِهِ فَقَتَلُوهُمْ، إِلاَّ رَجُلاً أَعْرَجَ صَعِدَ الْجَبَلَ. قَالَ هَمَّامٌ فَأُرَاهُ آخَرَ مَعَهُ، فَأَخْبَرَ جِبْرِيلُ ـ عَلَيْهِ السَّلاَمُ ـ النَّبِيَّ صلى الله عليه وسلم أَنَّهُمْ قَدْ لَقُوا رَبَّهُمْ، فَرَضِيَ عَنْهُمْ وَأَرْضَاهُمْ، فَكُنَّا نَقْرَأُ أَنْ بَلِّغُوا قَوْمَنَا أَنْ قَدْ لَقِينَا رَبَّنَا فَرَضِيَ عَنَّا وَأَرْضَانَا. ثُمَّ نُسِخَ بَعْدُ، فَدَعَا عَلَيْهِمْ أَرْبَعِينَ صَبَاحًا، عَلَى رِعْلٍ وَذَكْوَانَ وَبَنِي لِحْيَانَ وَبَنِي عُصَيَّةَ الَّذِينَ عَصَوُا اللَّهَ وَرَسُولَهُ صلى الله عليه وسلم.
Anas (roziyallohu anhu)dan rivoyat qilinadi: Paygʻambar ﷺ Bani Salim qabilasidan yetmish kishini Bani Omir qabilasiga yubordi. Ular u yerga yetib borganda, mening togʻam (Harom ibn Milhon) ularga: «Men sizlardan oldinga boraman; agar ular menga Allohning Rasuli ﷺ ning xabarini (risolatini) yetkazishga ruxsat bersa (yaxshi); aks holda, sizlar menga yaqin turinglar», — dedi. Bas, u ulardan oldinga bordi va mushriklar unga omonlik berdi. Lekin u Paygʻambar ﷺ ning xabarini yetkazayotganda, ular oʻz kishilaridan biriga ishora qildi va u (kishi) uni — pichoqlab — oʻldirdi. Mening togʻam: «Allohu akbar! Kaʼbaning Robbiga qasamki, men muvaffaq (najot topdim) boʻldim!» — dedi. Shundan keyin ular qolgan jamoaga (ham) hujum qildi va — togʻ choʻqqisiga chiqib ketgan choloq (oqsoq) kishidan boshqa — barchasini oʻldirdi (Hammom — rivoyatchi: «Menimcha, u bilan birga yana bir kishi (ham) qutuldi», — dedi). Jibril Paygʻambar ﷺ ga — ular (yaʼni shahidlar) oʻz Robbiga uchraganini, U ulardan rozi boʻlganini va ularni rozi qilganini — xabar berdi. Biz: «Bizning qavmimizga xabar beringlarki, biz oʻz Robbimizga uchradik, U bizdan rozi boʻldi va bizni rozi qildi», — deb (oyat) oʻqir edik. Keyinchalik bu Qurʼon oyati bekor qilindi (mansux boʻldi). Paygʻambar ﷺ — Allohga va Uning Rasuliga osiylik qilgan — Riʼl, Zakvon, Bani Lihyon va Bani Usayya (qabilalari)dan boʻlgan qotillarni — qirq kun davomida (qunutda) qargʻab duo qildi.Анас (розияллоҳу анҳу)дан ривоят қилинади: Пайғамбар ﷺ Бани Салим қабиласидан етмиш кишини Бани Омир қабиласига юборди. Улар у ерга етиб борганда, менинг тоғам (Ҳаром ибн Милҳон) уларга: «Мен сизлардан олдинга бораман; агар улар менга Аллоҳнинг Расули ﷺ нинг хабарини (рисолатини) етказишга рухсат берса (яхши); акс ҳолда, сизлар менга яқин туринглар», — деди. Бас, у улардан олдинга борди ва мушриклар унга омонлик берди. Лекин у Пайғамбар ﷺ нинг хабарини етказаётганда, улар ўз кишиларидан бирига ишора қилди ва у (киши) уни — пичоқлаб — ўлдирди. Менинг тоғам: «Аллоҳу акбар! Каъбанинг Роббига қасамки, мен муваффақ (нажот топдим) бўлдим!» — деди. Шундан кейин улар қолган жамоага (ҳам) ҳужум қилди ва — тоғ чўққисига чиқиб кетган чолоқ (оқсоқ) кишидан бошқа — барчасини ўлдирди (Ҳаммом — ривоятчи: «Менимча, у билан бирга яна бир киши (ҳам) қутулди», — деди). Жибрил Пайғамбар ﷺ га — улар (яъни шаҳидлар) ўз Роббига учраганини, У улардан рози бўлганини ва уларни рози қилганини — хабар берди. Биз: «Бизнинг қавмимизга хабар берингларки, биз ўз Роббимизга учрадик, У биздан рози бўлди ва бизни рози қилди», — деб (оят) ўқир эдик. Кейинчалик бу Қуръон ояти бекор қилинди (мансух бўлди). Пайғамбар ﷺ — Аллоҳга ва Унинг Расулига осийлик қилган — Риъл, Заквон, Бани Лиҳён ва Бани Усайя (қабилалари)дан бўлган қотилларни — қирқ кун давомида (қунутда) қарғаб дуо қилди.