حَدَّثَنَا عَبْدُ اللَّهِ بْنُ مُحَمَّدٍ، حَدَّثَنَا يَحْيَى بْنُ آدَمَ، حَدَّثَنَا يَزِيدُ بْنُ عَبْدِ الْعَزِيزِ، عَنْ أَبِيهِ، حَدَّثَنَا حَبِيبُ بْنُ أَبِي ثَابِتٍ، قَالَ حَدَّثَنِي أَبُو وَائِلٍ، قَالَ كُنَّا بِصِفِّينَ فَقَامَ سَهْلُ بْنُ حُنَيْفٍ فَقَالَ أَيُّهَا النَّاسُ اتَّهِمُوا أَنْفُسَكُمْ فَإِنَّا كُنَّا مَعَ رَسُولِ اللَّهِ صلى الله عليه وسلم يَوْمَ الْحُدَيْبِيَةِ، وَلَوْ نَرَى قِتَالاً لَقَاتَلْنَا، فَجَاءَ عُمَرُ بْنُ الْخَطَّابِ فَقَالَ يَا رَسُولَ اللَّهِ، أَلَسْنَا عَلَى الْحَقِّ وَهُمْ عَلَى الْبَاطِلِ فَقَالَ " بَلَى ". فَقَالَ أَلَيْسَ قَتْلاَنَا فِي الْجَنَّةِ وَقَتْلاَهُمْ فِي النَّارِ قَالَ " بَلَى ". قَالَ فَعَلَى مَا نُعْطِي الدَّنِيَّةَ فِي دِينِنَا أَنَرْجِعُ وَلَمَّا يَحْكُمِ اللَّهُ بَيْنَنَا وَبَيْنَهُمْ فَقَالَ " ابْنَ الْخَطَّابِ، إِنِّي رَسُولُ اللَّهِ، وَلَنْ يُضَيِّعَنِي اللَّهُ أَبَدًا ". فَانْطَلَقَ عُمَرُ إِلَى أَبِي بَكْرٍ فَقَالَ لَهُ مِثْلَ مَا قَالَ لِلنَّبِيِّ صلى الله عليه وسلم فَقَالَ إِنَّهُ رَسُولُ اللَّهِ، وَلَنْ يُضَيِّعَهُ اللَّهُ أَبَدًا. فَنَزَلَتْ سُورَةُ الْفَتْحِ، فَقَرَأَهَا رَسُولُ اللَّهِ صلى الله عليه وسلم عَلَى عُمَرَ إِلَى آخِرِهَا. فَقَالَ عُمَرُ يَا رَسُولَ اللَّهِ، أَوَفَتْحٌ هُوَ قَالَ " نَعَمْ ".
Abu Voil (rahimahulloh)dan rivoyat qilinadi: Biz Siffinda edik va Sahl ibn Hunayf (oʻrnidan) turib: «Ey odamlar! Oʻzlaringizni ayblanglar! Biz Hudaybiya kuni Paygʻambar ﷺ bilan birga edik va agar biz jangga chaqirilganimizda, biz jang qilgan boʻlardik. Lekin Umar ibn Xattob kelib: ‹Yo Rasululloh! Biz haq (yoʻlda), dushmanlarimiz esa nohaq (yoʻlda) emasmi?› — dedi. Allohning Rasuli ﷺ: ‹Ha›, — dedi. Umar: ‹Bizning oʻldirilganlarimiz jannatda, ularning (oʻldirilganlari) esa doʻzaxda emasmi?› — dedi. U: ‹Ha›, — dedi. Umar: ‹Unday boʻlsa, nega biz dinimizga taalluqli ishlarda ogʻir shartlarni qabul qilamiz? Biz — Alloh biz bilan ular orasida hukm chiqarishidan oldin — (jang qilmay) qaytamizmi?› — dedi. Allohning Rasuli ﷺ: ‹Ey Xattobning oʻgʻli! Men — Allohning Rasuliman va Alloh meni hech qachon xor qilmaydi›, — dedi. Soʻng Umar Abu Bakrning oldiga borib, Paygʻambar ﷺ ga aytganini unga (ham) aytdi. Shunda Abu Bakr (Umarga): ‹U — Allohning Rasuli va Alloh uni hech qachon xor qilmaydi›, — dedi. Soʻng Fath surasi nozil boʻldi va Allohning Rasuli ﷺ uni Umarning oldida oxirigacha oʻqidi. Shunda Umar: ‹Yo Rasululloh! Bu (yaʼni Hudaybiya sulhi) — gʻalaba (fath) edimi?› — dedi. Allohning Rasuli ﷺ: ‹Ha›, — dedi», — dedi.Абу Воил (раҳимаҳуллоҳ)дан ривоят қилинади: Биз Сиффинда эдик ва Саҳл ибн Ҳунайф (ўрнидан) туриб: «Эй одамлар! Ўзларингизни айбланглар! Биз Ҳудайбия куни Пайғамбар ﷺ билан бирга эдик ва агар биз жангга чақирилганимизда, биз жанг қилган бўлардик. Лекин Умар ибн Хаттоб келиб: ‹Ё Расулуллоҳ! Биз ҳақ (йўлда), душманларимиз эса ноҳақ (йўлда) эмасми?› — деди. Аллоҳнинг Расули ﷺ: ‹Ҳа›, — деди. Умар: ‹Бизнинг ўлдирилганларимиз жаннатда, уларнинг (ўлдирилганлари) эса дўзахда эмасми?› — деди. У: ‹Ҳа›, — деди. Умар: ‹Ундай бўлса, нега биз динимизга тааллуқли ишларда оғир шартларни қабул қиламиз? Биз — Аллоҳ биз билан улар орасида ҳукм чиқаришидан олдин — (жанг қилмай) қайтамизми?› — деди. Аллоҳнинг Расули ﷺ: ‹Эй Хаттобнинг ўғли! Мен — Аллоҳнинг Расулиман ва Аллоҳ мени ҳеч қачон хор қилмайди›, — деди. Сўнг Умар Абу Бакрнинг олдига бориб, Пайғамбар ﷺ га айтганини унга (ҳам) айтди. Шунда Абу Бакр (Умарга): ‹У — Аллоҳнинг Расули ва Аллоҳ уни ҳеч қачон хор қилмайди›, — деди. Сўнг Фатҳ сураси нозил бўлди ва Аллоҳнинг Расули ﷺ уни Умарнинг олдида охиригача ўқиди. Шунда Умар: ‹Ё Расулуллоҳ! Бу (яъни Ҳудайбия сулҳи) — ғалаба (фатҳ) эдими?› — деди. Аллоҳнинг Расули ﷺ: ‹Ҳа›, — деди», — деди.