حَدَّثَنَا مُسْلِمُ بْنُ إِبْرَاهِيمَ، حَدَّثَنَا جَرِيرُ بْنُ حَازِمٍ، عَنْ مُحَمَّدِ بْنِ سِيرِينَ، عَنْ أَبِي هُرَيْرَةَ، عَنِ النَّبِيِّ صلى الله عليه وسلم قَالَ " لَمْ يَتَكَلَّمْ فِي الْمَهْدِ إِلاَّ ثَلاَثَةٌ عِيسَى، وَكَانَ فِي بَنِي إِسْرَائِيلَ رَجُلٌ يُقَالُ لَهُ جُرَيْجٌ، كَانَ يُصَلِّي، فَجَاءَتْهُ أُمُّهُ فَدَعَتْهُ، فَقَالَ أُجِيبُهَا أَوْ أُصَلِّي. فَقَالَتِ اللَّهُمَّ لاَ تُمِتْهُ حَتَّى تُرِيَهُ وُجُوهَ الْمُومِسَاتِ. وَكَانَ جُرَيْجٌ فِي صَوْمَعَتِهِ، فَتَعَرَّضَتْ لَهُ امْرَأَةٌ وَكَلَّمَتْهُ فَأَبَى، فَأَتَتْ رَاعِيًا، فَأَمْكَنَتْهُ مِنْ نَفْسِهَا فَوَلَدَتْ غُلاَمًا، فَقَالَتْ مِنْ جُرَيْجٍ. فَأَتَوْهُ فَكَسَرُوا صَوْمَعَتَهُ، وَأَنْزَلُوهُ وَسَبُّوهُ، فَتَوَضَّأَ وَصَلَّى ثُمَّ أَتَى الْغُلاَمَ فَقَالَ مَنْ أَبُوكَ يَا غُلاَمُ قَالَ الرَّاعِي. قَالُوا نَبْنِي صَوْمَعَتَكَ مِنْ ذَهَبٍ. قَالَ لاَ إِلاَّ مِنْ طِينٍ. وَكَانَتِ امْرَأَةٌ تُرْضِعُ ابْنًا لَهَا مِنْ بَنِي إِسْرَائِيلَ، فَمَرَّ بِهَا رَجُلٌ رَاكِبٌ ذُو شَارَةٍ، فَقَالَتِ اللَّهُمَّ اجْعَلِ ابْنِي مِثْلَهُ. فَتَرَكَ ثَدْيَهَا، وَأَقْبَلَ عَلَى الرَّاكِبِ فَقَالَ اللَّهُمَّ لاَ تَجْعَلْنِي مِثْلَهُ. ثُمَّ أَقْبَلَ عَلَى ثَدْيِهَا يَمَصُّهُ ـ قَالَ أَبُو هُرَيْرَةَ كَأَنِّي أَنْظُرُ إِلَى النَّبِيِّ صلى الله عليه وسلم يَمَصُّ إِصْبَعَهُ ـ ثُمَّ مُرَّ بِأَمَةٍ فَقَالَتِ اللَّهُمَّ لاَ تَجْعَلِ ابْنِي مِثْلَ هَذِهِ. فَتَرَكَ ثَدْيَهَا فَقَالَ اللَّهُمَّ اجْعَلْنِي مِثْلَهَا. فَقَالَتْ لِمَ ذَاكَ فَقَالَ الرَّاكِبُ جَبَّارٌ مِنَ الْجَبَابِرَةِ، وَهَذِهِ الأَمَةُ يَقُولُونَ سَرَقْتِ زَنَيْتِ. وَلَمْ تَفْعَلْ ".
Abu Hurayra (roziyallohu anhu)dan rivoyat qilinadi: Paygʻambar ﷺ: «Beshikda — uch (kishi)dan boshqa — hech kim gapirmagan: (Birinchisi —) Iso; (ikkinchisi —) Bani Isroildan Jurayj deb atalgan bir kishi (edi). U namoz oʻqiyotganda, onasi kelib uni chaqirdi. U (oʻziga oʻzi): ‹Unga javob beraymi yoki namozni davom ettiraymi?› — dedi. (U namozni davom ettirdi) va unga javob bermadi. Onasi: ‹Allohim! Uni — fohishalarning yuzini koʻrmaguncha — vafot ettirma!› — dedi. Bas, u oʻz ibodatxonasida (savmaasida) ekanida, bir ayol kelib, uni yoʻldan urishga (gunohga) urindi, lekin u rad etdi. Bas, u (ayol) bir choʻponning oldiga borib, oʻzini unga — u bilan zino qilish uchun — taklif qildi va keyinroq u bir bola tugʻdi hamda u (bola) Jurayjniki, deb daʼvo qildi. Shu sabab odamlar uning oldiga kelib, uning ibodatxonasini buzdi, uni undan haydab chiqardi va uni haqorat qildi. Jurayj tahorat olib, namoz oʻqidi, soʻng bolaning oldiga kelib: ‹Ey bola! Sening otang kim?› — dedi. Bola: ‹Choʻpon›, — deb javob berdi. (Buni eshitib) odamlar: ‹Biz sening ibodatxonangni oltindan qayta quramiz›, — dedi, lekin u: ‹Yoʻq, loydan boshqa (narsadan) emas›, — dedi. (Uchinchisi — quyidagi voqea qahramoni edi:) Bani Isroildan bir ayol bolasini koʻkragidan emizayotganda, koʻrkam bir chavandoz uning yonidan oʻtdi. U: ‹Allohim! Bolamni unga oʻxshatgin›, — dedi. Shunda bola koʻkrakni qoʻyib, chavandozga yuzlanib: ‹Allohim! Meni unga oʻxshatma›, — dedi. Soʻng bola yana koʻkrakni ema boshladi (Abu Hurayra: «Goʻyo men hozir Paygʻambar ﷺ ni — barmogʻini soʻrgan holda (koʻrsatib turgandek) — koʻrayotgandekman», — dedi). Biroz vaqtdan keyin odamlar — bir choʻri (qul ayol) bilan — oʻtdi va u (bolaning onasi): ‹Allohim! Bolamni mana shunga (yaʼni bu choʻriga) oʻxshatma!› — dedi. Shunda bola koʻkrakni qoʻyib: ‹Allohim! Meni unga oʻxshat›, — dedi. U (onasi) nega (deb) soʻraganda, bola: ‹Chavandoz — zolimlardan biri, bu choʻri esa — oʻgʻrilik va zinoda yolgʻondan ayblanmoqda›, — deb javob berdi», — dedi.Абу Ҳурайра (розияллоҳу анҳу)дан ривоят қилинади: Пайғамбар ﷺ: «Бешикда — уч (киши)дан бошқа — ҳеч ким гапирмаган: (Биринчиси —) Исо; (иккинчиси —) Бани Исроилдан Журайж деб аталган бир киши (эди). У намоз ўқиётганда, онаси келиб уни чақирди. У (ўзига ўзи): ‹Унга жавоб берайми ёки намозни давом эттирайми?› — деди. (У намозни давом эттирди) ва унга жавоб бермади. Онаси: ‹Аллоҳим! Уни — фоҳишаларнинг юзини кўрмагунча — вафот эттирма!› — деди. Бас, у ўз ибодатхонасида (савмаасида) эканида, бир аёл келиб, уни йўлдан уришга (гуноҳга) уринди, лекин у рад этди. Бас, у (аёл) бир чўпоннинг олдига бориб, ўзини унга — у билан зино қилиш учун — таклиф қилди ва кейинроқ у бир бола туғди ҳамда у (бола) Журайжники, деб даъво қилди. Шу сабаб одамлар унинг олдига келиб, унинг ибодатхонасини бузди, уни ундан ҳайдаб чиқарди ва уни ҳақорат қилди. Журайж таҳорат олиб, намоз ўқиди, сўнг боланинг олдига келиб: ‹Эй бола! Сенинг отанг ким?› — деди. Бола: ‹Чўпон›, — деб жавоб берди. (Буни эшитиб) одамлар: ‹Биз сенинг ибодатхонангни олтиндан қайта қурамиз›, — деди, лекин у: ‹Йўқ, лойдан бошқа (нарсадан) эмас›, — деди. (Учинчиси — қуйидаги воқеа қаҳрамони эди:) Бани Исроилдан бир аёл боласини кўкрагидан эмизаётганда, кўркам бир чавандоз унинг ёнидан ўтди. У: ‹Аллоҳим! Боламни унга ўхшатгин›, — деди. Шунда бола кўкракни қўйиб, чавандозга юзланиб: ‹Аллоҳим! Мени унга ўхшатма›, — деди. Сўнг бола яна кўкракни эма бошлади (Абу Ҳурайра: «Гўё мен ҳозир Пайғамбар ﷺ ни — бармоғини сўрган ҳолда (кўрсатиб тургандек) — кўраётгандекман», — деди). Бироз вақтдан кейин одамлар — бир чўри (қул аёл) билан — ўтди ва у (боланинг онаси): ‹Аллоҳим! Боламни мана шунга (яъни бу чўрига) ўхшатма!› — деди. Шунда бола кўкракни қўйиб: ‹Аллоҳим! Мени унга ўхшат›, — деди. У (онаси) нега (деб) сўраганда, бола: ‹Чавандоз — золимлардан бири, бу чўри эса — ўғрилик ва зинода ёлғондан айбланмоқда›, — деб жавоб берди», — деди.