U (Jobir) Rasululloh ﷺ bilan Najd tomon gʻazot qildi. Rasululloh ﷺ (uydan) qaytganlarida, u ham u zot bilan qaytdi. Ularni tikanli daraxtlari koʻp bir vodiyda peshin uyqusi (qaylula vaqti) tutdi. Rasululloh ﷺ (ulovdan) tushdilar, odamlar tikanli daraxtlar orasida tarqalib, daraxtlar (soyasi)da soyalandilar. Rasululloh ﷺ bir samura (tikanli) daraxt tagiga tushib, unga qilichlarini ildilar. Jobir aytdi: Biz bir oz uxlab oldik, birdan Rasululloh ﷺ bizni chaqirardilar. Biz u zotning oldilariga keldik, qarasak, u zotning yonlarida bir aʼrobiy (badaviy) oʻtirardi. Rasululloh ﷺ: «Albatta bu (kishi) men uxlab yotganimda qilichimni (qinidan) sugʻurib oldi. Men uygʻonsam, u (qilich) uning qoʻlida yalangʻoch (sugʻurilgan holda) edi. U menga: ‹Seni mendan kim (himoya qilib) toʻsadi?› dedi. Men: ‹Alloh› dedim. Mana, u oʻtiribdi», dedilar. Soʻng Rasululloh ﷺ uni jazolamadilar.У (Жобир) Расулуллоҳ ﷺ билан Нажд томон ғазот қилди. Расулуллоҳ ﷺ (уйдан) қайтганларида, у ҳам у зот билан қайтди. Уларни тиканли дарахтлари кўп бир водийда пешин уйқуси (қайлула вақти) тутди. Расулуллоҳ ﷺ (уловдан) тушдилар, одамлар тиканли дарахтлар орасида тарқалиб, дарахтлар (сояси)да сояландилар. Расулуллоҳ ﷺ бир самура (тиканли) дарахт тагига тушиб, унга қиличларини илдилар. Жобир айтди: Биз бир оз ухлаб олдик, бирдан Расулуллоҳ ﷺ бизни чақирардилар. Биз у зотнинг олдиларига келдик, қарасак, у зотнинг ёнларида бир аъробий (бадавий) ўтирарди. Расулуллоҳ ﷺ: «Албатта бу (киши) мен ухлаб ётганимда қиличимни (қинидан) суғуриб олди. Мен уйғонсам, у (қилич) унинг қўлида яланғоч (суғурилган ҳолда) эди. У менга: ‹Сени мендан ким (ҳимоя қилиб) тўсади?› деди. Мен: ‹Аллоҳ› дедим. Мана, у ўтирибди», дедилар. Сўнг Расулуллоҳ ﷺ уни жазоламадилар.