(Ibn Umar (roziyallohu anhumo) rivoyat qildiki, u aytdi:) Rasululloh ﷺning huzurlariga (zino qilgan) bir yahudiy erkak va yahudiy ayol keltirildi. U zot ularga: «Kitobingizda (Tavrotda) nima topasiz?» dedilar. Ular: «Ahbarlarimiz (ulamolarimiz) yuzni qora qilish va sharmanda qilib (eshakka teskari) mindirishni paydo qilganlar», dedilar. Abdulloh ibn Salom: «Yo Rasululloh, ularni Tavrot (keltirishga) chaqiring», dedi. Tavrot keltirildi va ulardan biri qoʻlini rajm oyatining ustiga qoʻyib, undan oldingi va keyingi (oyatlar)ni oʻqiy boshladi. Ibn Salom unga: «Qoʻlingni koʻtar», dedi. Mana, rajm oyati uning qoʻli ostida (yashirin) edi. Bas, Rasululloh ﷺ ikkovini (rajm qilishni) buyurdilar va ular rajm qilindi. Ibn Umar aytdi: Ular Balot (yoʻli)da rajm qilindilar; men yahudiy (erkak)ning ayolning ustiga engashib, uni (toshlardan) toʻsayotganini koʻrdim.(Ибн Умар (розияллоҳу анҳумо) ривоят қилдики, у айтди:) Расулуллоҳ ﷺнинг ҳузурларига (зино қилган) бир яҳудий эркак ва яҳудий аёл келтирилди. У зот уларга: «Китобингизда (Тавротда) нима топасиз?» дедилар. Улар: «Аҳбарларимиз (уламоларимиз) юзни қора қилиш ва шарманда қилиб (эшакка тескари) миндиришни пайдо қилганлар», дедилар. Абдуллоҳ ибн Салом: «Ё Расулуллоҳ, уларни Таврот (келтиришга) чақиринг», деди. Таврот келтирилди ва улардан бири қўлини ражм оятининг устига қўйиб, ундан олдинги ва кейинги (оятлар)ни ўқий бошлади. Ибн Салом унга: «Қўлингни кўтар», деди. Мана, ражм ояти унинг қўли остида (яширин) эди. Бас, Расулуллоҳ ﷺ икковини (ражм қилишни) буюрдилар ва улар ражм қилинди. Ибн Умар айтди: Улар Балот (йўли)да ражм қилиндилар; мен яҳудий (эркак)нинг аёлнинг устига энгашиб, уни (тошлардан) тўсаётганини кўрдим.