Mugʻira ibn Shuʼba (roziyallohu anhu)dan rivoyat qilinadi: Umar ibn al-Xattob (roziyallohu anhu) imlosul-marʼa — yaʼni qorniga urilib, homilasini tashlab yuborgan ayol — toʻgʻrisida soʻrab: «Qaysingiz bu haqda Nabiy ﷺ dan biror narsa eshitgansiz?» dedi. Men: «Men eshitganman», dedim. U: «Nima eshitgansan?» dedi. Men: «Nabiy ﷺ ning: ‹Bunga bir gʻurra — qul yoxud choʻri (toʻlanadi)› deganlarini eshitganman», dedim. Shunda u: «Aytganingga dalil keltirmaguningcha qimirlama», dedi. Men chiqib, Muhammad ibn Maslamani topdim va uni olib keldim. U men bilan birga Nabiy ﷺ ning: «Bunga bir gʻurra — qul yoxud choʻri (toʻlanadi)» deganlarini eshitganiga guvohlik berdi. Ibn Abu Zinod ham otasidan, u Urvadan, u Mugʻiradan rivoyat qilib, unga mutobaʼat qildi.Муғира ибн Шуъба (розияллоҳу анҳу)дан ривоят қилинади: Умар ибн ал-Хаттоб (розияллоҳу анҳу) имлосул-маръа — яъни қорнига урилиб, ҳомиласини ташлаб юборган аёл — тўғрисида сўраб: «Қайсингиз бу ҳақда Набий ﷺ дан бирор нарса эшитгансиз?» деди. Мен: «Мен эшитганман», дедим. У: «Нима эшитгансан?» деди. Мен: «Набий ﷺ нинг: ‹Бунга бир ғурра — қул ёхуд чўри (тўланади)› деганларини эшитганман», дедим. Шунда у: «Айтганингга далил келтирмагунингча қимирлама», деди. Мен чиқиб, Муҳаммад ибн Масламани топдим ва уни олиб келдим. У мен билан бирга Набий ﷺ нинг: «Бунга бир ғурра — қул ёхуд чўри (тўланади)» деганларини эшитганига гувоҳлик берди. Ибн Абу Зинод ҳам отасидан, у Урвадан, у Муғирадан ривоят қилиб, унга мутобаъат қилди.