Amr ibn Shuayb otasidan, u bobosidan rivoyat qiladi: Masʼudning ikki oʻgʻli Muhayyisa va Huvayyisa hamda Abdurrahmon va Abdulloh ibn Sahl oziq-ovqat olib kelish uchun Xaybarga chiqdilar va ehtiyojlari uchun ajraldilar. Soʻng ular Abdulloh ibn Sahlning yonidan oʻtdilar — u oʻldirilgan edi. Ular Nabiy ﷺ huzurlariga qaytib, u zotga xabar berdilar. Rasululloh ﷺ ularga: «Qasoma tariqasida ellik qasam ichasizlarmi, shu bilan qotilingizga haqli boʻlasizlar?» dedilar. Ular buni yoqtirmadilar va: «Ey Allohning Rasuli, biz gʻoyib narsa ustiga, oʻzimiz hozir boʻlmagan ish ustiga qasam ichamizmi?» dedilar. U zot: «Unda yahudiylar ellik qasam ichadilar va xoli boʻladilar», dedilar. Ular: «Ey Allohning Rasuli, kofir qavmning qasamlarini qabul qilamizmi?» dedilar. Shunda Rasululloh ﷺga sadaqa molidan mol keltirildi va u zot uning diyatini oʻz tomonlaridan toʻladilar.Амр ибн Шуайб отасидан, у бобосидан ривоят қилади: Масъуднинг икки ўғли Муҳаййиса ва Ҳуваййиса ҳамда Абдурраҳмон ва Абдуллоҳ ибн Саҳл озиқ-овқат олиб келиш учун Хайбарга чиқдилар ва эҳтиёжлари учун ажралдилар. Сўнг улар Абдуллоҳ ибн Саҳлнинг ёнидан ўтдилар — у ўлдирилган эди. Улар Набий ﷺ ҳузурларига қайтиб, у зотга хабар бердилар. Расулуллоҳ ﷺ уларга: «Қасома тариқасида эллик қасам ичасизларми, шу билан қотилингизга ҳақли бўласизлар?» дедилар. Улар буни ёқтирмадилар ва: «Эй Аллоҳнинг Расули, биз ғойиб нарса устига, ўзимиз ҳозир бўлмаган иш устига қасам ичамизми?» дедилар. У зот: «Унда яҳудийлар эллик қасам ичадилар ва холи бўладилар», дедилар. Улар: «Эй Аллоҳнинг Расули, кофир қавмнинг қасамларини қабул қиламизми?» дедилар. Шунда Расулуллоҳ ﷺга садақа молидан мол келтирилди ва у зот унинг диятини ўз томонларидан тўладилар.