Oisha (roziyallohu anho) aytdi: «Saʼd ibn Abu Vaqqos bilan Abd ibn Zamʼa Zamʼaning choʻrisining oʻgʻli haqida talashib qolishdi. Saʼd: ‹Yo Rasululloh, bu mening akam Utba ibn Abu Vaqqosning oʻgʻli. U menga, bu oʻzining oʻgʻli ekanini vasiyat qilgan edi; men esa uning oʻxshashligini koʻrib turibman›, dedi. Abd ibn Zamʼa esa: ‹U mening ukam, otamning toʻshagida uning choʻrisidan tugʻilgan›, dedi. Rasululloh ﷺ bolaning oʻxshashligiga qarab, uni Utbaga aniq oʻxshaganini koʻrdilar. Shunda: ‹U seniki, ey Abd. Bola toʻshak (egasi)nikidir, zinokorga esa tosh (nasibadir). Sen esa undan pardalan, ey Savda›, dedilar». Shundan keyin (bola) Savdani hech qachon koʻrmadi. Uni Ibn Jurayj ham Ibn Shihobdan shu isnod bilan xuddi shunday rivoyat qilgan.Оиша (розияллоҳу анҳо) айтди: «Саъд ибн Абу Ваққос билан Абд ибн Замъа Замъанинг чўрисининг ўғли ҳақида талашиб қолишди. Саъд: ‹Ё Расулуллоҳ, бу менинг акам Утба ибн Абу Ваққоснинг ўғли. У менга, бу ўзининг ўғли эканини васият қилган эди; мен эса унинг ўхшашлигини кўриб турибман›, деди. Абд ибн Замъа эса: ‹У менинг укам, отамнинг тўшагида унинг чўрисидан туғилган›, деди. Расулуллоҳ ﷺ боланинг ўхшашлигига қараб, уни Утбага аниқ ўхшаганини кўрдилар. Шунда: ‹У сеники, эй Абд. Бола тўшак (эгаси)никидир, зинокорга эса тош (насибадир). Сен эса ундан пардалан, эй Савда›, дедилар». Шундан кейин (бола) Савдани ҳеч қачон кўрмади. Уни Ибн Журайж ҳам Ибн Шиҳобдан шу иснод билан худди шундай ривоят қилган.