أَخْبَرَنَا إِسْحَاقُ بْنُ إِبْرَاهِيمَ ، حَدَّثَنَا أَبُو عَامِرٍ الْعَقَدِيُّ ، حَدَّثَنَا فُلَيْحُ بْنُ سُلَيْمَانَ ، عَنْ عَبَّاسِ بْنِ سَهْلٍ ، قَالَ : اجْتَمَعَ مُحَمَّدُ بْنُ مَسْلَمَةَ، وَأَبُو أُسَيْدٍ، وَأَبُو حُمَيْدٍ، وَسَهْلُ بْنُ سَعْدٍ، فَذَكَرُوا صَلَاةَ رَسُولِ اللَّهِ صَلَّى اللَّهُ عَلَيْهِ وَسَلَّمَ، قَالَ أَبُو حُمَيْدٍ : أَنَا أَعْلَمُكُمْ بِصَلَاةِ رَسُولِ اللَّهِ صَلَّى اللَّهُ عَلَيْهِ وَسَلَّمَ، إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ " قَامَ فَكَبَّرَ وَرَفَعَ يَدَيْهِ، ثُمَّ رَفَعَ يَدَيْهِ حِينَ كَبَّرَ لِلرُّكُوعِ، ثُمَّ رَكَعَ وَوَضَعَ يَدَيْهِ عَلَى رُكْبَتَيْهِ كَأَنَّهُ قَابِضٌ عَلَيْهِمَا، وَوَتَرَ يَدَيْهِ فَنَحَّاهُمَا عَنْ جَنْبَيْهِ، وَلَمْ يُصَوِّبْ رَأْسَهُ، وَلَمْ يُقْنِعْهُ "
Abbos ibn Sahl aytadi: Muhammad ibn Maslama, Abu Usayd, Abu Humayd va Sahl ibn Saʼd (roziyallohu anhum) yigʻilishib, Rasululloh ﷺning namozlari haqida soʻzlashdilar. Shunda Abu Humayd (roziyallohu anhu): «Men orangizda Rasululloh ﷺning namozlarini eng yaxshi biluvchiman. Albatta, Rasululloh ﷺ (namozga) turdilar, takbir aytdilar va qoʻllarini koʻtardilar; soʻng rukuʼ uchun takbir aytganlarida qoʻllarini koʻtardilar; soʻng rukuʼ qilib, qoʻllarini tizzalari ustiga goʻyo ularni (ushlab) siqayotgandek qoʻydilar, qoʻllarini (yoyib) yon tomonlaridan uzoqlashtirdilar, boshlarini (pastga) egib ham yubormadilar, (yuqoriga) koʻtarib ham yubormadilar», dedi.Аббос ибн Саҳл айтади: Муҳаммад ибн Маслама, Абу Усайд, Абу Ҳумайд ва Саҳл ибн Саъд (розияллоҳу анҳум) йиғилишиб, Расулуллоҳ ﷺнинг намозлари ҳақида сўзлашдилар. Шунда Абу Ҳумайд (розияллоҳу анҳу): «Мен орангизда Расулуллоҳ ﷺнинг намозларини энг яхши билувчиман. Албатта, Расулуллоҳ ﷺ (намозга) турдилар, такбир айтдилар ва қўлларини кўтардилар; сўнг рукуъ учун такбир айтганларида қўлларини кўтардилар; сўнг рукуъ қилиб, қўлларини тиззалари устига гўё уларни (ушлаб) сиқаётгандек қўйдилар, қўлларини (ёйиб) ён томонларидан узоқлаштирдилар, бошларини (пастга) эгиб ҳам юбормадилар, (юқорига) кўтариб ҳам юбормадилар», деди.