أَخْبَرَنَا أَبُو حَاتِمٍ أَشْهَلُ بْنُ حَاتِمٍ ، حَدَّثَنَا ابْنُ عَوْنٍ ، عَنْ مُحَمَّدٍ ، عَنْ عَبْدِ الرَّحْمَنِ بْنِ أَبِي بَكْرَةَ ، عَنْ أَبِيهِ ، قَالَ : لَمَّا كَانَ ذَلِكَ الْيَوْمُ، قَعَدَ النَّبِيُّ صَلَّى اللَّهُ عَلَيْهِ وَسَلَّمَ عَلَى بَعِيرٍ لَا أَدْرِي جَمَلٌ أَوْ نَاقَةٌ، وَأَخَذَ إِنْسَانٌ بِخِطَامِهِ أَوْ قَالَ : بِزِمَامِهِ ، فَقَالَ : " أَيُّ يَوْمٍ هَذَا؟ " قَالَ : فَسَكَتْنَا حَتَّى ظَنَنَّا أَنَّهُ سَيُسَمِّيهِ سِوَى اسْمِهِ، فَقَالَ : " أَلَيْسَ يَوْمَ النَّحْرِ؟ " قُلْنَا : بَلَى. قَالَ : " فَأَيُّ شَهْرٍ هَذَا؟ " قَالَ : فَسَكَتْنَا حَتَّى ظَنَنَّا أَنَّهُ سَيُسَمِّيهِ سِوَى اسْمِهِ، فَقَالَ : " أَلَيْسَ ذُو الْحِجَّةِ؟ ". قُلْنَا : بَلَى. قَالَ : " فَأَيُّ بَلَدٍ هَذَا؟ ". قَالَ : فَسَكَتْنَا حَتَّى ظَنَنَّا أَنَّهُ سَيُسَمِّيهِ سِوَى اسْمِهِ، فَقَالَ : " أَلَيْسَ الْبَلْدَةَ؟ ". قُلْنَا : بَلَى. قَالَ : " فَإِنَّ دِمَاءَكُمْ وَأَمْوَالَكُمْ وَأَعْرَاضَكُمْ بَيْنَكُمْ حَرَامٌ كَحُرْمَةِ يَوْمِكُمْ هَذَا، فِي شَهْرِكُمْ هَذَا، فِي بَلَدِكُمْ هَذَا، أَلَا لِيُبَلِّغْ الشَّاهِدُ الْغَائِبَ، فَإِنَّ الشَّاهِدَ عَسَى أَنْ يُبَلِّغَ مَنْ هُوَ أَوْعَى مِنْهُ "
Abu Bakra (roziyallohu anhu)dan rivoyat qilinadi: Oʻsha kun boʻlganda Nabiy ﷺ bir tuya ustiga oʻtirdilar — bilmadim, erkak tuyami yoki urgʻochi tuya —, bir kishi uning jilovidan — yoki: yugani dedi — ushlab turardi. U zot: «Bu qaysi kun?» dedilar. (Abu Bakra) aytdi: Biz, u zot bu kunga oʻz nomidan boshqa nom qoʻysalar kerak, deb oʻylagunimizcha jim turdik. Soʻng u zot: «Bu Nahr kuni emasmi?» dedilar. Biz: «Ha», dedik. U zot: «Bu qaysi oy?» dedilar. Biz yana, u zot unga oʻz nomidan boshqa nom qoʻysalar kerak, deb oʻylagunimizcha jim turdik. Soʻng u zot: «Bu Zulhijja emasmi?» dedilar. Biz: «Ha», dedik. U zot: «Bu qaysi shahar?» dedilar. Biz yana, u zot unga oʻz nomidan boshqa nom qoʻysalar kerak, deb oʻylagunimizcha jim turdik. Soʻng u zot: «Bu (muqaddas) shahar emasmi?» dedilar. Biz: «Ha», dedik. U zot: «Albatta, qonlaringiz, mol-mulklaringiz va obroʻlaringiz bir-biringizga shu kuningizning, shu oyingizdagi, shu shahringizdagi hurmati kabi haromdir. Ogoh boʻlinglar, hozir boʻlgan yoʻq boʻlganga yetkazsin; chunki hozir boʻlgan kishi oʻzidan koʻra yaxshiroq anglaydigan kishiga yetkazishi mumkin», dedilar.Абу Бакра (розияллоҳу анҳу)дан ривоят қилинади: Ўша кун бўлганда Набий ﷺ бир туя устига ўтирдилар — билмадим, эркак туями ёки урғочи туя —, бир киши унинг жиловидан — ёки: югани деди — ушлаб турарди. У зот: «Бу қайси кун?» дедилар. (Абу Бакра) айтди: Биз, у зот бу кунга ўз номидан бошқа ном қўйсалар керак, деб ўйлагунимизча жим турдик. Сўнг у зот: «Бу Наҳр куни эмасми?» дедилар. Биз: «Ҳа», дедик. У зот: «Бу қайси ой?» дедилар. Биз яна, у зот унга ўз номидан бошқа ном қўйсалар керак, деб ўйлагунимизча жим турдик. Сўнг у зот: «Бу Зулҳижжа эмасми?» дедилар. Биз: «Ҳа», дедик. У зот: «Бу қайси шаҳар?» дедилар. Биз яна, у зот унга ўз номидан бошқа ном қўйсалар керак, деб ўйлагунимизча жим турдик. Сўнг у зот: «Бу (муқаддас) шаҳар эмасми?» дедилар. Биз: «Ҳа», дедик. У зот: «Албатта, қонларингиз, мол-мулкларингиз ва обрўларингиз бир-бирингизга шу кунингизнинг, шу ойингиздаги, шу шаҳрингиздаги ҳурмати каби ҳаромдир. Огоҳ бўлинглар, ҳозир бўлган йўқ бўлганга етказсин; чунки ҳозир бўлган киши ўзидан кўра яхшироқ англайдиган кишига етказиши мумкин», дедилар.