Abu Muso (roziyallohu anhu)dan rivoyat qilinadi: Paygʻambar ﷺ shunday dedilar: «Men tushimda Makkadan xurmozorlari boʻlgan bir yerga hijrat qilayotganimni koʻrdim. Xayolim uni Yamoma yoki Hajar deb oʻyladi, ammo u Madina — Yasrib ekan. Yana shu tushimda men bir qilichni silkitdim, u oʻrtasidan sinib ketdi — bu Uhud kunida moʻminlarga yetgan musibat ekan. Soʻng uni yana silkitdim, u avvalgisidan ham chiroyliroq boʻlib qaytdi — bu Alloh keltirgan fath va moʻminlarning birlashuvi ekan. Yana shu tushda bir necha sigirni ham koʻrdim, Alloh yaxshilik keltirguvchidir — ular Uhud kunida shahid boʻlgan moʻminlar guruhi ekan, yaxshilik esa Alloh keyin keltirgan yaxshilik va Alloh bizga Badr kunida ato etgan sidqning savobi ekan», dedilar.Абу Мусо (розияллоҳу анҳу)дан ривоят қилинади: Пайғамбар ﷺ шундай дедилар: «Мен тушимда Маккадан хурмозорлари бўлган бир ерга ҳижрат қилаётганимни кўрдим. Хаёлим уни Ямома ёки Ҳажар деб ўйлади, аммо у Мадина — Ясриб экан. Яна шу тушимда мен бир қилични силкитдим, у ўртасидан синиб кетди — бу Уҳуд кунида мўминларга етган мусибат экан. Сўнг уни яна силкитдим, у аввалгисидан ҳам чиройлироқ бўлиб қайтди — бу Аллоҳ келтирган фатҳ ва мўминларнинг бирлашуви экан. Яна шу тушда бир неча сигирни ҳам кўрдим, Аллоҳ яхшилик келтиргувчидир — улар Уҳуд кунида шаҳид бўлган мўминлар гуруҳи экан, яхшилик эса Аллоҳ кейин келтирган яхшилик ва Аллоҳ бизга Бадр кунида ато этган сидқнинг савоби экан», дедилар.