حَدَّثَنَا عِيسَى بْنُ حَمَّادٍ الْمِصْرِيُّ، أَنْبَأَنَا اللَّيْثُ بْنُ سَعْدٍ، عَنْ سَعِيدٍ الْمَقْبُرِيِّ، عَنْ شَرِيكِ بْنِ عَبْدِ اللَّهِ بْنِ أَبِي نَمِرٍ، أَنَّهُ سَمِعَ أَنَسَ بْنَ مَالِكٍ، يَقُولُ بَيْنَمَا نَحْنُ جُلُوسٌ فِي الْمَسْجِدِ دَخَلَ رَجُلٌ عَلَى رَحْلٍ فَأَنَاخَهُ فِي الْمَسْجِدِ ثُمَّ عَقَلَهُ ثُمَّ قَالَ لَهُمْ أَيُّكُمْ مُحَمَّدٌ وَرَسُولُ اللَّهِ ـ صلى الله عليه وسلم ـ مُتَّكِئٌ بَيْنَ ظَهْرَانَيْهِمْ . قَالَ فَقَالُوا هَذَا الرَّجُلُ الأَبْيَضُ الْمُتَّكِئُ . فَقَالَ لَهُ الرَّجُلُ يَا ابْنَ عَبْدِ الْمُطَّلِبِ . فَقَالَ لَهُ النَّبِيُّ ـ صلى الله عليه وسلم ـ " قَدْ أَجَبْتُكَ " . فَقَالَ لَهُ الرَّجُلُ يَا مُحَمَّدُ إِنِّي سَائِلُكَ وَمُشَدِّدٌ عَلَيْكَ فِي الْمَسْأَلَةِ فَلاَ تَجِدَنَّ عَلَىَّ فِي نَفْسِكَ . فَقَالَ " سَلْ مَا بَدَا لَكَ " . قَالَ لَهُ الرَّجُلُ نَشَدْتُكَ بِرَبِّكَ وَرَبِّ مَنْ قَبْلَكَ آللَّهُ أَرْسَلَكَ إِلَى النَّاسِ كُلِّهِمْ فَقَالَ رَسُولُ اللَّهِ ـ صلى الله عليه وسلم ـ " اللَّهُمَّ نَعَمْ " . قَالَ فَأَنْشُدُكَ بِاللَّهِ آللَّهُ أَمَرَكَ أَنْ تُصَلِّيَ الصَّلَوَاتِ الْخَمْسَ فِي الْيَوْمِ وَاللَّيْلَةِ قَالَ رَسُولُ اللَّهِ ـ صلى الله عليه وسلم ـ " اللَّهُمَّ نَعَمْ " . قَالَ فَأَنْشُدُكَ بِاللَّهِ آللَّهُ أَمَرَكَ أَنْ تَصُومَ هَذَا الشَّهْرَ مِنَ السَّنَةِ فَقَالَ رَسُولُ اللَّهِ ـ صلى الله عليه وسلم ـ " اللَّهُمَّ نَعَمْ " . قَالَ فَأَنْشُدُكَ بِاللَّهِ آللَّهُ أَمَرَكَ أَنْ تَأْخُذَ هَذِهِ الصَّدَقَةَ مِنْ أَغْنِيَائِنَا فَتَقْسِمَهَا عَلَى فُقَرَائِنَا فَقَالَ رَسُولُ اللَّهِ ـ صلى الله عليه وسلم ـ " اللَّهُمَّ نَعَمْ " . فَقَالَ الرَّجُلُ آمَنْتُ بِمَا جِئْتَ بِهِ وَأَنَا رَسُولُ مَنْ وَرَائِي مِنْ قَوْمِي . وَأَنَا ضِمَامُ بْنُ ثَعْلَبَةَ أَخُو بَنِي سَعْدِ بْنِ بَكْرٍ .
Anas ibn Molik (roziyallohu anhu)dan rivoyat qilinadi: «Biz masjidda oʻtirgan edik, bir kishi tuyaga minib kirdi va uni masjidda choʻktirib, boylab qoʻydi. Soʻng ularga: ‹Qaysi biringiz Muhammad?› dedi. Rasululloh ﷺ ular orasida yastanib oʻtirar edilar. Sahobalar: ‹Mana bu yastanib oʻtirgan oq tanli kishi›, dedilar. U kishi: ‹Ey Abdulmuttalibning oʻgʻli!› dedi. Nabiy ﷺ unga: ‹Sanga javob berdim (eshityapman)›, dedilar. U kishi: ‹Ey Muhammad, men sendan soʻrayman va soʻrashda qattiq boʻlaman, koʻnglingga ogʻir olmagin›, dedi. U zot: ‹Nima xohlasang soʻra›, dedilar. U kishi: ‹Robbing va sendan avvalgilarning Robbi haqqi bilan soʻrayman, sani hamma odamlarga Alloh yubordimi?› dedi. Rasululloh ﷺ: ‹Allohim, ha›, dedilar. U: ‹Alloh haqqi soʻrayman, sanga kecha-kunduzda besh vaqt namozni oʻqishni Alloh buyurdimi?› dedi. Rasululloh ﷺ: ‹Allohim, ha›, dedilar. U: ‹Alloh haqqi soʻrayman, sanga yilda shu oyni roʻza tutishni Alloh buyurdimi?› dedi. Rasululloh ﷺ: ‹Allohim, ha›, dedilar. U: ‹Alloh haqqi soʻrayman, sanga bu sadaqani boylarimizdan olib, kambagʻallarimizga taqsimlashni Alloh buyurdimi?› dedi. Rasululloh ﷺ: ‹Allohim, ha›, dedilar. Shunda u kishi: ‹Sen keltirgan narsaga imon keltirdim. Men ortimdagi qavmimning elchisiman. Men Bani Saʼd ibn Bakr qabilasidan Zimom ibn Saʼlabaman›, dedi».Анас ибн Молик (розияллоҳу анҳу)дан ривоят қилинади: «Биз масжидда ўтирган эдик, бир киши туяга миниб кирди ва уни масжидда чўктириб, бойлаб қўйди. Сўнг уларга: ‹Қайси бирингиз Муҳаммад?› деди. Расулуллоҳ ﷺ улар орасида ястаниб ўтирар эдилар. Саҳобалар: ‹Мана бу ястаниб ўтирган оқ танли киши›, дедилар. У киши: ‹Эй Абдулмутталибнинг ўғли!› деди. Набий ﷺ унга: ‹Санга жавоб бердим (эшитяпман)›, дедилар. У киши: ‹Эй Муҳаммад, мен сендан сўрайман ва сўрашда қаттиқ бўламан, кўнглингга оғир олмагин›, деди. У зот: ‹Нима хоҳласанг сўра›, дедилар. У киши: ‹Роббинг ва сендан аввалгиларнинг Робби ҳаққи билан сўрайман, сани ҳамма одамларга Аллоҳ юбордими?› деди. Расулуллоҳ ﷺ: ‹Аллоҳим, ҳа›, дедилар. У: ‹Аллоҳ ҳаққи сўрайман, санга кеча-кундузда беш вақт намозни ўқишни Аллоҳ буюрдими?› деди. Расулуллоҳ ﷺ: ‹Аллоҳим, ҳа›, дедилар. У: ‹Аллоҳ ҳаққи сўрайман, санга йилда шу ойни рўза тутишни Аллоҳ буюрдими?› деди. Расулуллоҳ ﷺ: ‹Аллоҳим, ҳа›, дедилар. У: ‹Аллоҳ ҳаққи сўрайман, санга бу садақани бойларимиздан олиб, камбағалларимизга тақсимлашни Аллоҳ буюрдими?› деди. Расулуллоҳ ﷺ: ‹Аллоҳим, ҳа›, дедилар. Шунда у киши: ‹Сен келтирган нарсага имон келтирдим. Мен ортимдаги қавмимнинг элчисиман. Мен Бани Саъд ибн Бакр қабиласидан Зимом ибн Саълабаман›, деди».