Ibn Ummu Maktum (roziyallohu anhu)dan rivoyat qilinadi: Rasululloh ﷺ xufton namozida odamlarga yuzlanib: «Men bu namozdan orqada qolayotgan anavilarning oldiga borib, uylarini ustlariga yoqib yuborishni qasd qildim», dedilar. Shunda Ibn Ummu Maktum turib: «Ey Rasululloh, ahvolimni bilasiz, menda yetaklovchi ham yoʻq», dedi. U zot: «Sen iqomatni eshitasanmi?» dedilar. U: «Ha», dedi. U zot: «Unday boʻlsa, unga hozir boʻl», dedilar va unga ruxsat bermadilar. Abu Bakr aytdi: «menda yetaklovchi yoʻq» degan bu lafzda qisqartirish bor; u: bilishimcha, menga doim hamroh boʻladigan yetaklovchi yoʻq, deganini istagan — Abu Razinning Ibn Ummu Maktumdan rivoyat qilgan xabaridagi kabi.Ибн Умму Мактум (розияллоҳу анҳу)дан ривоят қилинади: Расулуллоҳ ﷺ хуфтон намозида одамларга юзланиб: «Мен бу намоздан орқада қолаётган анавиларнинг олдига бориб, уйларини устларига ёқиб юборишни қасд қилдим», дедилар. Шунда Ибн Умму Мактум туриб: «Эй Расулуллоҳ, аҳволимни биласиз, менда етакловчи ҳам йўқ», деди. У зот: «Сен иқоматни эшитасанми?» дедилар. У: «Ҳа», деди. У зот: «Ундай бўлса, унга ҳозир бўл», дедилар ва унга рухсат бермадилар. Абу Бакр айтди: «менда етакловчи йўқ» деган бу лафзда қисқартириш бор; у: билишимча, менга доим ҳамроҳ бўладиган етакловчи йўқ, деганини истаган — Абу Разиннинг Ибн Умму Мактумдан ривоят қилган хабаридаги каби.