Yaʼlo ibn Umayya (roziyallohu anhu)dan rivoyat qilinadi: Rasululloh ﷺning oldilariga bir aʼrobiy keldi, ustida zaʼfaron yuqi boʻlgan jubba bor edi. U: «Yo Rasululloh, men ehromga kirdim, nima deysiz? Odamlar mendan kulmoqdalar», dedi. (Roviy) dedi: U zot bir oz undan (yuzlarini) egib turdilar. (Roviy) dedi: Soʻng uni chaqirib: «Bu jubbani ustingdan yech, bu zaʼfaronni oʻzingdan yuv va umrangda hajingda qiladigan ishingni qil», dedilar. Faqat u hadisning oxirida dedi: Hajjoj aytdi: Bizga Ato bu hadisni Safvon ibn Yaʼlodan, u otasidan (rivoyat qilib) aytib berdi. Hushaym Hajjojdan, u Atodan (rivoyat qilib) dedi: Bu hadis bizga yetmasidan oldin: «Jubbasini yirtadi», der edik; bu hadis bizga yetganida esa unga amal qildik.Яъло ибн Умайя (розияллоҳу анҳу)дан ривоят қилинади: Расулуллоҳ ﷺнинг олдиларига бир аъробий келди, устида заъфарон юқи бўлган жубба бор эди. У: «Ё Расулуллоҳ, мен эҳромга кирдим, нима дейсиз? Одамлар мендан кулмоқдалар», деди. (Ровий) деди: У зот бир оз ундан (юзларини) эгиб турдилар. (Ровий) деди: Сўнг уни чақириб: «Бу жуббани устингдан еч, бу заъфаронни ўзингдан юв ва умрангда ҳажингда қиладиган ишингни қил», дедилар. Фақат у ҳадиснинг охирида деди: Ҳажжож айтди: Бизга Ато бу ҳадисни Сафвон ибн Яълодан, у отасидан (ривоят қилиб) айтиб берди. Ҳушайм Ҳажжождан, у Атодан (ривоят қилиб) деди: Бу ҳадис бизга етмасидан олдин: «Жуббасини йиртади», дер эдик; бу ҳадис бизга етганида эса унга амал қилдик.