Abu Hurayra (roziyallohu anhu)dan rivoyat qilinadi: «Men Nabiy ﷺ huzurlariga bir necha dona xurmo bilan kelib: ‹Ey Allohning Rasuli, ularga baraka boʻlishi uchun Allohga duo qiling›, dedim. U zot ularni jamlab, soʻng menga ular toʻgʻrisida baraka tilab duo qildilar va menga: ‹Bularni olib, oʻzingning shu xaltangga — yoki shu xaltaga — solib qoʻy. Undan biror narsa olmoqchi boʻlsang, qoʻlingni solib ol, lekin uni toʻkib sochma›, dedilar. Men oʻsha xurmodan Alloh yoʻlida ancha-muncha vasq (miqdorda) yedirdim. Biz undan yeb, yana boshqalarga ham yedirar edik. U (xalta) Usmon oʻldirilgan kungacha belimdan ajralmadi, oʻsha kuni esa (xurmo) tugadi», dedi. Abu Iso aytdi: Bu hadis shu yoʻl bilan hasan gʻaribdir. Bu hadis Abu Hurayradan boshqa yoʻl bilan ham rivoyat qilingan.Абу Ҳурайра (розияллоҳу анҳу)дан ривоят қилинади: «Мен Набий ﷺ ҳузурларига бир неча дона хурмо билан келиб: ‹Эй Аллоҳнинг Расули, уларга барака бўлиши учун Аллоҳга дуо қилинг›, дедим. У зот уларни жамлаб, сўнг менга улар тўғрисида барака тилаб дуо қилдилар ва менга: ‹Буларни олиб, ўзингнинг шу халтангга — ёки шу халтага — солиб қўй. Ундан бирор нарса олмоқчи бўлсанг, қўлингни солиб ол, лекин уни тўкиб сочма›, дедилар. Мен ўша хурмодан Аллоҳ йўлида анча-мунча васқ (миқдорда) едирдим. Биз ундан еб, яна бошқаларга ҳам едирар эдик. У (халта) Усмон ўлдирилган кунгача белимдан ажралмади, ўша куни эса (хурмо) тугади», деди. Абу Исо айтди: Бу ҳадис шу йўл билан ҳасан ғарибдир. Бу ҳадис Абу Ҳурайрадан бошқа йўл билан ҳам ривоят қилинган.