Oisha (roziyallohu anho)dan rivoyat qilinadi: Rasululloh ﷺ zamonlarida quyosh tutildi. Shunda u zot odamlarga juda uzoq qiyomda turib namoz oʻqidilar. U zot qiyomda turar, soʻng rukuʼ qilar, soʻng turar, soʻng rukuʼ qilar, soʻng turar, soʻng rukuʼ qilar edilar. Har bir rakaatda uch martadan rukuʼ qilib, ikki rakaat oʻqidilar. Uchinchi marta rukuʼ qilganlaridan soʻng sajda qildilar. Hatto oʻsha kuni baʼzi kishilar uzoq qiyomdan hushidan ketib, ularning ustidan chelaklab suv quyilar edi. U zot rukuʼ qilganlarida: «Allohu akbar», boshlarini koʻtarganlarida: «Samiʼallohu liman hamidah», der edilar. Quyosh ochilmagunicha namozdan chiqmadilar. Soʻng turib, Allohga hamd va sano aytdilar-da: «Albatta, quyosh va oy birovning oʻlimi yoki hayoti uchun tutilmaydi. Lekin ular Allohning oyatlaridan ikkitasidir, U ular vositasida sizlarni qoʻrqitadi. Bas, ular tutilsa, ochilguncha Alloh azza va jallani zikr qilishga shoshilinglar», dedilar.Оиша (розияллоҳу анҳо)дан ривоят қилинади: Расулуллоҳ ﷺ замонларида қуёш тутилди. Шунда у зот одамларга жуда узоқ қиёмда туриб намоз ўқидилар. У зот қиёмда турар, сўнг рукуъ қилар, сўнг турар, сўнг рукуъ қилар, сўнг турар, сўнг рукуъ қилар эдилар. Ҳар бир ракаатда уч мартадан рукуъ қилиб, икки ракаат ўқидилар. Учинчи марта рукуъ қилганларидан сўнг сажда қилдилар. Ҳатто ўша куни баъзи кишилар узоқ қиёмдан ҳушидан кетиб, уларнинг устидан челаклаб сув қуйилар эди. У зот рукуъ қилганларида: «Аллоҳу акбар», бошларини кўтарганларида: «Самиъаллоҳу лиман ҳамидаҳ», дер эдилар. Қуёш очилмагунича намоздан чиқмадилар. Сўнг туриб, Аллоҳга ҳамд ва сано айтдилар-да: «Албатта, қуёш ва ой бировнинг ўлими ёки ҳаёти учун тутилмайди. Лекин улар Аллоҳнинг оятларидан иккитасидир, У улар воситасида сизларни қўрқитади. Бас, улар тутилса, очилгунча Аллоҳ азза ва жаллани зикр қилишга шошилинглар», дедилар.