Oisha (roziyallohu anho)dan rivoyat qilinadi: Rasululloh ﷺ hayotliklarida quyosh tutildi. Rasululloh ﷺ masjidga chiqib, turdilar va takbir aytdilar, odamlar u zotning orqasida saf tortdilar. Rasululloh ﷺ uzoq qiroat qildilar, soʻng takbir aytib, uzoq ruku qildilar. Soʻng boshlarini koʻtarib: «Samiallohu liman hamidah, Rabbano va lakal-hamd», dedilar. Soʻng turib, birinchi qiroatdan qisqaroq boʻlgan uzoq qiroat qildilar. Soʻng takbir aytib, birinchi rukudan qisqaroq boʻlgan uzoq ruku qildilar. Soʻng: «Samiallohu liman hamidah, Rabbano va lakal-hamd», dedilar. Soʻng ikkinchi rakaatda ham shundoq qildilar. Shunday qilib, toʻrt ruku va toʻrt sajdani toʻldirdilar. Quyosh u zot namozdan chiqishlaridan oldin yorishdi. Soʻng turib, odamlarga xutba qildilar va Allohga loyiq boʻlgan hamdlarni aytdilar. Soʻng: «Albatta, quyosh va oy Allohning oyatlaridan ikki oyatdir. Ular hech kimning oʻlimi uchun ham, hayoti uchun ham tutilmaydi. Bas, ularni koʻrsangiz, namozga shoshilinglar», dedilar.Оиша (розияллоҳу анҳо)дан ривоят қилинади: Расулуллоҳ ﷺ ҳаётликларида қуёш тутилди. Расулуллоҳ ﷺ масжидга чиқиб, турдилар ва такбир айтдилар, одамлар у зотнинг орқасида саф тортдилар. Расулуллоҳ ﷺ узоқ қироат қилдилар, сўнг такбир айтиб, узоқ руку қилдилар. Сўнг бошларини кўтариб: «Самиаллоҳу лиман ҳамидаҳ, Раббано ва лакал-ҳамд», дедилар. Сўнг туриб, биринчи қироатдан қисқароқ бўлган узоқ қироат қилдилар. Сўнг такбир айтиб, биринчи рукудан қисқароқ бўлган узоқ руку қилдилар. Сўнг: «Самиаллоҳу лиман ҳамидаҳ, Раббано ва лакал-ҳамд», дедилар. Сўнг иккинчи ракаатда ҳам шундоқ қилдилар. Шундай қилиб, тўрт руку ва тўрт саждани тўлдирдилар. Қуёш у зот намоздан чиқишларидан олдин ёришди. Сўнг туриб, одамларга хутба қилдилар ва Аллоҳга лойиқ бўлган ҳамдларни айтдилар. Сўнг: «Албатта, қуёш ва ой Аллоҳнинг оятларидан икки оятдир. Улар ҳеч кимнинг ўлими учун ҳам, ҳаёти учун ҳам тутилмайди. Бас, уларни кўрсангиз, намозга шошилинглар», дедилар.