أَخْبَرَنَا عَلِيُّ بْنُ حُجْرٍ، قَالَ حَدَّثَنَا إِسْمَاعِيلُ بْنُ جَعْفَرٍ، قَالَ حَدَّثَنَا شَرِيكُ بْنُ عَبْدِ اللَّهِ، عَنْ أَنَسِ بْنِ مَالِكٍ، أَنَّ رَجُلاً، دَخَلَ الْمَسْجِدَ وَرَسُولُ اللَّهِ صلى الله عليه وسلم قَائِمٌ يَخْطُبُ فَاسْتَقْبَلَ رَسُولَ اللَّهِ صلى الله عليه وسلم قَائِمًا وَقَالَ يَا رَسُولَ اللَّهِ هَلَكَتِ الأَمْوَالُ وَانْقَطَعَتِ السُّبُلُ فَادْعُ اللَّهَ أَنْ يُغِيثَنَا . فَرَفَعَ رَسُولُ اللَّهِ صلى الله عليه وسلم يَدَيْهِ ثُمَّ قَالَ " اللَّهُمَّ أَغِثْنَا اللَّهُمَّ أَغِثْنَا " . قَالَ أَنَسٌ وَلاَ وَاللَّهِ مَا نَرَى فِي السَّمَاءِ مِنْ سَحَابَةٍ وَلاَ قَزَعَةٍ وَمَا بَيْنَنَا وَبَيْنَ سَلْعٍ مِنْ بَيْتٍ وَلاَ دَارٍ فَطَلَعَتْ سَحَابَةٌ مِثْلُ التُّرْسِ فَلَمَّا تَوَسَّطَتِ السَّمَاءَ انْتَشَرَتْ وَأَمْطَرَتْ . قَالَ أَنَسٌ وَلاَ وَاللَّهِ مَا رَأَيْنَا الشَّمْسَ سَبْتًا . قَالَ ثُمَّ دَخَلَ رَجُلٌ مِنْ ذَلِكَ الْبَابِ فِي الْجُمُعَةِ الْمُقْبِلَةِ وَرَسُولُ اللَّهِ صلى الله عليه وسلم قَائِمٌ يَخْطُبُ فَاسْتَقْبَلَهُ قَائِمًا فَقَالَ يَا رَسُولَ اللَّهِ صَلَّى اللَّهُ وَسَلَّمَ عَلَيْكَ هَلَكَتِ الأَمْوَالُ وَانْقَطَعَتِ السُّبُلُ فَادْعُ اللَّهَ أَنْ يُمْسِكَهَا عَنَّا . فَرَفَعَ رَسُولُ اللَّهِ صلى الله عليه وسلم يَدَيْهِ فَقَالَ " اللَّهُمَّ حَوَالَيْنَا وَلاَ عَلَيْنَا اللَّهُمَّ عَلَى الآكَامِ وَالظِّرَابِ وَبُطُونِ الأَوْدِيَةِ وَمَنَابِتِ الشَّجَرِ " . قَالَ فَأَقْلَعَتْ وَخَرَجْنَا نَمْشِي فِي الشَّمْسِ . قَالَ شَرِيكٌ سَأَلْتُ أَنَسًا أَهُوَ الرَّجُلُ الأَوَّلُ قَالَ لاَ .
Anas ibn Molik (roziyallohu anhu)dan rivoyat qilinadi: Bir kishi masjidga kirdi, Rasululloh ﷺ tik turib xutba oʻqiyotgan edilar. U Rasululloh ﷺ ga qarab tik turdi-da: «Ey Allohning Rasuli, mol-mulklar halok boʻldi, yoʻllar uzildi. Bizga yomgʻir yogʻdirishini soʻrab Allohga duo qiling», dedi. Rasululloh ﷺ ikki qoʻllarini koʻtardilar, soʻng: «Allohim, bizga yomgʻir bergin! Allohim, bizga yomgʻir bergin!» dedilar. Anas aytadi: «Allohga qasamki, osmonda birorta bulut ham, bulut parchasi ham koʻrmasdik, biz bilan Salʼ togʻi orasida esa na bir uy, na bir hovli bor edi. Shunda qalqonday bir bulut chiqdi, u osmon oʻrtasiga yetganda yoyilib, yomgʻir yogʻdirdi». Anas aytadi: «Allohga qasamki, biz bir hafta quyoshni koʻrmadik». Soʻng keyingi juma kuni bir kishi oʻsha eshikdan kirdi, Rasululloh ﷺ tik turib xutba oʻqiyotgan edilar. U ham tik turib ularga qaradi-da: «Ey Allohning Rasuli, mol-mulklar halok boʻldi, yoʻllar uzildi. Uni bizdan toʻxtatishini soʻrab Allohga duo qiling», dedi. Rasululloh ﷺ ikki qoʻllarini koʻtardilar-da: «Allohim, atrofimizga (yogʻdir), ustimizga emas! Allohim, tepaliklarga, kichik togʻlarga, vodiylarning ichiga va daraxtlar unadigan joylarga (yogʻdir)», dedilar. Shunda yomgʻir toʻxtadi va biz quyoshda yurib chiqdik.Анас ибн Молик (розияллоҳу анҳу)дан ривоят қилинади: Бир киши масжидга кирди, Расулуллоҳ ﷺ тик туриб хутба ўқиётган эдилар. У Расулуллоҳ ﷺ га қараб тик турди-да: «Эй Аллоҳнинг Расули, мол-мулклар ҳалок бўлди, йўллар узилди. Бизга ёмғир ёғдиришини сўраб Аллоҳга дуо қилинг», деди. Расулуллоҳ ﷺ икки қўлларини кўтардилар, сўнг: «Аллоҳим, бизга ёмғир бергин! Аллоҳим, бизга ёмғир бергин!» дедилар. Анас айтади: «Аллоҳга қасамки, осмонда бирорта булут ҳам, булут парчаси ҳам кўрмасдик, биз билан Салъ тоғи орасида эса на бир уй, на бир ҳовли бор эди. Шунда қалқондай бир булут чиқди, у осмон ўртасига етганда ёйилиб, ёмғир ёғдирди». Анас айтади: «Аллоҳга қасамки, биз бир ҳафта қуёшни кўрмадик». Сўнг кейинги жума куни бир киши ўша эшикдан кирди, Расулуллоҳ ﷺ тик туриб хутба ўқиётган эдилар. У ҳам тик туриб уларга қаради-да: «Эй Аллоҳнинг Расули, мол-мулклар ҳалок бўлди, йўллар узилди. Уни биздан тўхтатишини сўраб Аллоҳга дуо қилинг», деди. Расулуллоҳ ﷺ икки қўлларини кўтардилар-да: «Аллоҳим, атрофимизга (ёғдир), устимизга эмас! Аллоҳим, тепаликларга, кичик тоғларга, водийларнинг ичига ва дарахтлар унадиган жойларга (ёғдир)», дедилар. Шунда ёмғир тўхтади ва биз қуёшда юриб чиқдик.