حَدَّثَنَا قُتَيْبَةُ بْنُ سَعِيدٍ، قَالَ حَدَّثَنَا إِسْمَاعِيلُ بْنُ جَعْفَرٍ، عَنْ شَرِيكٍ، عَنْ أَنَسِ بْنِ مَالِكٍ، أَنَّ رَجُلاً، دَخَلَ الْمَسْجِدَ يَوْمَ جُمُعَةٍ مِنْ بَابٍ كَانَ نَحْوَ دَارِ الْقَضَاءِ، وَرَسُولُ اللَّهِ صلى الله عليه وسلم قَائِمٌ يَخْطُبُ، فَاسْتَقْبَلَ رَسُولَ اللَّهِ صلى الله عليه وسلم قَائِمًا ثُمَّ قَالَ يَا رَسُولَ اللَّهِ هَلَكَتِ الأَمْوَالُ وَانْقَطَعَتِ السُّبُلُ، فَادْعُ اللَّهَ يُغِيثُنَا فَرَفَعَ رَسُولُ اللَّهِ صلى الله عليه وسلم يَدَيْهِ ثُمَّ قَالَ " اللَّهُمَّ أَغِثْنَا، اللَّهُمَّ أَغِثْنَا، اللَّهُمَّ أَغِثْنَا ". قَالَ أَنَسٌ وَلاَ وَاللَّهِ مَا نَرَى فِي السَّمَاءِ مِنْ سَحَابٍ، وَلاَ قَزَعَةً، وَمَا بَيْنَنَا وَبَيْنَ سَلْعٍ مِنْ بَيْتٍ وَلاَ دَارٍ. قَالَ فَطَلَعَتْ مِنْ وَرَائِهِ سَحَابَةٌ مِثْلُ التُّرْسِ، فَلَمَّا تَوَسَّطَتِ السَّمَاءَ انْتَشَرَتْ ثُمَّ أَمْطَرَتْ، فَلاَ وَاللَّهِ مَا رَأَيْنَا الشَّمْسَ سِتًّا، ثُمَّ دَخَلَ رَجُلٌ مِنْ ذَلِكَ الْبَابِ فِي الْجُمُعَةِ وَرَسُولُ اللَّهِ صلى الله عليه وسلم قَائِمٌ يَخْطُبُ، فَاسْتَقْبَلَهُ قَائِمًا فَقَالَ يَا رَسُولَ اللَّهِ هَلَكَتِ الأَمْوَالُ وَانْقَطَعَتِ السُّبُلُ، فَادْعُ اللَّهَ يُمْسِكْهَا عَنَّا. قَالَ فَرَفَعَ رَسُولُ اللَّهِ صلى الله عليه وسلم يَدَيْهِ ثُمَّ قَالَ " اللَّهُمَّ حَوَالَيْنَا وَلاَ عَلَيْنَا، اللَّهُمَّ عَلَى الآكَامِ وَالظِّرَابِ وَبُطُونِ الأَوْدِيَةِ وَمَنَابِتِ الشَّجَرِ ". قَالَ فَأَقْلَعَتْ وَخَرَجْنَا نَمْشِي فِي الشَّمْسِ. قَالَ شَرِيكٌ سَأَلْتُ أَنَسَ بْنَ مَالِكٍ أَهُوَ الرَّجُلُ الأَوَّلُ فَقَالَ مَا أَدْرِي.
Sharik (Anasdan) rivoyat qiladi: Anas ibn Molik dedi: «Bir kishi juma kuni masjidga — Dorul-qazoga roʻbaroʻ eshikdan — kirdi va Rasululloh ﷺ turib xutba qilayotgan edilar. U kishi Rasululloh ﷺ ning oldida turib: ‹Yo Rasululloh, mollar oʻlyapti va yoʻllar uzildi; bas, yomgʻir uchun Allohga duo qil›, — dedi. Bas, Rasululloh ﷺ ikki qoʻllarini koʻtarib: ‹Allohim, bizni yomgʻir bilan siyla. Allohim, bizni yomgʻir bilan siyla. Allohim, bizni yomgʻir bilan siyla!› — dedilar». Anas qoʻshdi: «Allohga qasamki, osmonda bulutlar yoʻq edi va biz bilan Salaʼ togʻi orasida (bironta) uy yoki bino yoʻq edi. Soʻng uning orqasidan qalqondek katta bir bulut paydo boʻldi va u osmonning oʻrtasiga kelganda, yoyilib, soʻng yomgʻir yogʻdi. Allohga qasamki, biz bir hafta (davomida) quyoshni koʻra olmadik. Keyingi juma kuni bir kishi xuddi shu eshikdan kirdi va Rasululloh ﷺ juma xutbasini qilayotgan edilar; u kishi u zotning oldida turib: ‹Yo Rasululloh, mollar oʻlyapti va yoʻllar uzildi; yomgʻirni toʻxtatishni Allohdan soʻra›, — dedi». Anas qoʻshdi: «Rasululloh ﷺ ikki qoʻllarini koʻtarib: ‹Allohim, atrofimizga, ustimizga emas. Allohim, tepaliklarga, togʻlarga, qirlarga, vodiylarga va daraxt oʻsadigan joylarga›, — dedilar». Anas qoʻshdi: «Yomgʻir toʻxtadi va biz quyoshda yurib (tashqariga) chiqdik». Sharik Anasdan — bu oʻtgan juma yomgʻir soʻragan kishimi, deb — soʻradi. Anas bilmayman, deb javob berdi.Шарик (Анасдан) ривоят қилади: Анас ибн Молик деди: «Бир киши жума куни масжидга — Дорул-қазога рўбарў эшикдан — кирди ва Расулуллоҳ ﷺ туриб хутба қилаётган эдилар. У киши Расулуллоҳ ﷺ нинг олдида туриб: ‹Ё Расулуллоҳ, моллар ўляпти ва йўллар узилди; бас, ёмғир учун Аллоҳга дуо қил›, — деди. Бас, Расулуллоҳ ﷺ икки қўлларини кўтариб: ‹Аллоҳим, бизни ёмғир билан сийла. Аллоҳим, бизни ёмғир билан сийла. Аллоҳим, бизни ёмғир билан сийла!› — дедилар». Анас қўшди: «Аллоҳга қасамки, осмонда булутлар йўқ эди ва биз билан Салаъ тоғи орасида (биронта) уй ёки бино йўқ эди. Сўнг унинг орқасидан қалқондек катта бир булут пайдо бўлди ва у осмоннинг ўртасига келганда, ёйилиб, сўнг ёмғир ёғди. Аллоҳга қасамки, биз бир ҳафта (давомида) қуёшни кўра олмадик. Кейинги жума куни бир киши худди шу эшикдан кирди ва Расулуллоҳ ﷺ жума хутбасини қилаётган эдилар; у киши у зотнинг олдида туриб: ‹Ё Расулуллоҳ, моллар ўляпти ва йўллар узилди; ёмғирни тўхтатишни Аллоҳдан сўра›, — деди». Анас қўшди: «Расулуллоҳ ﷺ икки қўлларини кўтариб: ‹Аллоҳим, атрофимизга, устимизга эмас. Аллоҳим, тепаликларга, тоғларга, қирларга, водийларга ва дарахт ўсадиган жойларга›, — дедилар». Анас қўшди: «Ёмғир тўхтади ва биз қуёшда юриб (ташқарига) чиқдик». Шарик Анасдан — бу ўтган жума ёмғир сўраган кишими, деб — сўради. Анас билмайман, деб жавоб берди.