Ibn Abbos (roziyallohu anhumo)dan rivoyat qilinadi: Rasululloh ﷺ vaʼz qilish uchun turib: «Ey odamlar, sizlar Olloh azza va jalla huzuriga yalangʻoch, yalangoyoq va xatna qilinmagan holda toʻplanasizlar. {Biz avvalgi maxluqotni qanday boshlagan boʻlsak, uni yana shundoq qaytaramiz} (Anbiyo 104). Qiyomat kuni kiyintiriladigan birinchi kishi Ibrohim alayhissalomdir. Ummatimdan baʼzi kishilar keltiriladi va ular chap tomonga olib ketiladi. Shunda men: ‹Ey Robbim, ular mening ashoblarim›, deyman. Menga: ‹Sen ularning sendan keyin nima ish qilganini bilmaysan›, deyiladi. Shunda men solih banda aytganidek: {Toki ular orasida boʻlar ekanman, ularga guvoh edim. Meni oʻz huzuringga olganingdan soʻng} to {Agar ularni magʻfirat qilsang} (Moida 117-118) degan oyatgacha aytaman. Shunda menga: ‹Ular sendan ajragandan beri doimo orqaga qaytib, oʻz ortlariga qaytib ketuvchilar boʻldilar›, deyiladi», dedilar.Ибн Аббос (розияллоҳу анҳумо)дан ривоят қилинади: Расулуллоҳ ﷺ ваъз қилиш учун туриб: «Эй одамлар, сизлар Оллоҳ азза ва жалла ҳузурига яланғоч, ялангоёқ ва хатна қилинмаган ҳолда тўпланасизлар. {Биз аввалги махлуқотни қандай бошлаган бўлсак, уни яна шундоқ қайтарамиз} (Анбиё 104). Қиёмат куни кийинтириладиган биринчи киши Иброҳим алайҳиссаломдир. Умматимдан баъзи кишилар келтирилади ва улар чап томонга олиб кетилади. Шунда мен: ‹Эй Роббим, улар менинг ашобларим›, дейман. Менга: ‹Сен уларнинг сендан кейин нима иш қилганини билмайсан›, дейилади. Шунда мен солиҳ банда айтганидек: {Токи улар орасида бўлар эканман, уларга гувоҳ эдим. Мени ўз ҳузурингга олганингдан сўнг} то {Агар уларни мағфират қилсанг} (Моида 117-118) деган оятгача айтаман. Шунда менга: ‹Улар сендан ажрагандан бери доимо орқага қайтиб, ўз ортларига қайтиб кетувчилар бўлдилар›, дейилади», дедилар.