Oisha (roziyallohu anho)dan rivoyat qilinadi: Barira Oishaning huzuriga uni kitobat (mukotaba) shartnomasi xususida yordam soʻrab keldi. Oisha unga: «Ahling (xoʻjalaringning) oldiga qayt. Agar ular kitobating haqini men toʻlashimni va senga ega boʻlish huquqing meniki boʻlishini yoqtirsalar, shunday qilaman», dedi. Barira buni ahliga aytdi, ular esa koʻnmadilar va: «Agar u sening ozod qilishing bilan Ollohdan savob umid qilsa, shunday qilsin, ammo senga ega boʻlish huquqing bizniki boʻladi», deyishdi. Barira buni Rasululloh ﷺga aytdi. Rasululloh ﷺ unga: «Uni sotib ol va ozod qil, chunki ega boʻlish huquqi ozod qilgan kishinikidir», dedilar. Soʻng Rasululloh ﷺ: «Ollohning Kitobida boʻlmagan shartlarni shart qilib qoʻyayotgan qavmlarga nima boʻldi? Kim Ollohning Kitobida boʻlmagan bir narsani shart qilsa, u shart botildir, garchi yuzta shart qoʻysa ham. Ollohning sharti haqroq va mustahkamroqdir», dedilar.Оиша (розияллоҳу анҳо)дан ривоят қилинади: Барира Оишанинг ҳузурига уни китобат (мукотаба) шартномаси хусусида ёрдам сўраб келди. Оиша унга: «Аҳлинг (хўжаларингнинг) олдига қайт. Агар улар китобатинг ҳақини мен тўлашимни ва сенга эга бўлиш ҳуқуқинг меники бўлишини ёқтирсалар, шундай қиламан», деди. Барира буни аҳлига айтди, улар эса кўнмадилар ва: «Агар у сенинг озод қилишинг билан Оллоҳдан савоб умид қилса, шундай қилсин, аммо сенга эга бўлиш ҳуқуқинг бизники бўлади», дейишди. Барира буни Расулуллоҳ ﷺга айтди. Расулуллоҳ ﷺ унга: «Уни сотиб ол ва озод қил, чунки эга бўлиш ҳуқуқи озод қилган кишиникидир», дедилар. Сўнг Расулуллоҳ ﷺ: «Оллоҳнинг Китобида бўлмаган шартларни шарт қилиб қўяётган қавмларга нима бўлди? Ким Оллоҳнинг Китобида бўлмаган бир нарсани шарт қилса, у шарт ботилдир, гарчи юзта шарт қўйса ҳам. Оллоҳнинг шарти ҳақроқ ва мустаҳкамроқдир», дедилар.