Abu Hurayra (roziyallohu anhu)dan rivoyat qilinadi: Rasululloh ﷺ shunday dedilar: «Alloh bir bandasini sevsa, Jibrilni chaqirib: ‹Men falonchini sevaman, sen ham uni sevgin›, deydi. Shunda Jibril uni sevadi. Soʻng u osmonda nido qilib: ‹Alloh falonchini sevadi, siz ham uni seving›, deydi. Shunda osmon ahli uni sevadi. Soʻng unga yer yuzida qabul (yaʼni xalqning maqbulligi) qoʻyiladi. Agar (Alloh) bir bandaga gʻazab qilsa, Jibrilni chaqirib: ‹Men falonchini yomon koʻraman, sen ham uni yomon koʻrgin›, deydi. Shunda Jibril uni yomon koʻradi. Soʻng u osmon ahli ichida: ‹Alloh falonchini yomon koʻradi, siz ham uni yomon koʻring›, deb nido qiladi. Shunda ular uni yomon koʻradilar. Soʻng unga yer yuzida nafrat qoʻyiladi».Абу Ҳурайра (розияллоҳу анҳу)дан ривоят қилинади: Расулуллоҳ ﷺ шундай дедилар: «Аллоҳ бир бандасини севса, Жибрилни чақириб: ‹Мен фалончини севаман, сен ҳам уни севгин›, дейди. Шунда Жибрил уни севади. Сўнг у осмонда нидо қилиб: ‹Аллоҳ фалончини севади, сиз ҳам уни севинг›, дейди. Шунда осмон аҳли уни севади. Сўнг унга ер юзида қабул (яъни халқнинг мақбуллиги) қўйилади. Агар (Аллоҳ) бир бандага ғазаб қилса, Жибрилни чақириб: ‹Мен фалончини ёмон кўраман, сен ҳам уни ёмон кўргин›, дейди. Шунда Жибрил уни ёмон кўради. Сўнг у осмон аҳли ичида: ‹Аллоҳ фалончини ёмон кўради, сиз ҳам уни ёмон кўринг›, деб нидо қилади. Шунда улар уни ёмон кўрадилар. Сўнг унга ер юзида нафрат қўйилади».