Abdulaziz ibn Suhayb

حَدَّثَنَا مُسَدَّدٌ، حَدَّثَنَا عَبْدُ الْوَارِثِ، ح وَحَدَّثَنَا زِيَادُ بْنُ أَيُّوبَ، حَدَّثَنَا إِسْمَاعِيلُ، - الْمَعْنَى - عَنْ عَبْدِ الْعَزِيزِ بْنِ صُهَيْبٍ، قَالَ سَأَلَ قَتَادَةُ أَنَسًا أَىُّ دَعْوَةٍ كَانَ يَدْعُو بِهَا رَسُولُ اللَّهِ صلى الله عليه وسلم أَكْثَرَ قَالَ كَانَ أَكْثَرُ دَعْوَةٍ يَدْعُو بِهَا ‏"‏ اللَّهُمَّ رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ ‏"‏ ‏.‏ وَزَادَ زِيَادٌ وَكَانَ أَنَسٌ إِذَا أَرَادَ أَنْ يَدْعُوَ بِدَعْوَةٍ دَعَا بِهَا وَإِذَا أَرَادَ أَنْ يَدْعُوَ بِدُعَاءٍ دَعَا بِهَا فِيهَا ‏.‏

Abdulaziz ibn Suhayb (rahimahulloh) aytadi: Qatoda Anas(roziyallohu anhu)dan: «Rasululloh ﷺ eng koʻp qaysi duo bilan duo qilar edilar?» deb soʻradi. U: «U zot eng koʻp duo qiladigan duolari: ‹Allohumma Robbanaa, aatinaa fid-dunyaa hasanatan va fil-aaxiroti hasanatan va qinaa azaaban-naar (Ey Allohim, ey Robbimiz, bizga dunyoda yaxshilik, oxiratda ham yaxshilik ato et va bizni doʻzax azobidan saqla)› edi», dedi. Ziyod (oʻz rivoyatida) shuni qoʻshdi: Anas (biron) duo bilan duo qilmoqchi boʻlsa, shu duoni qoʻshib aytar edi.Абдулазиз ибн Суҳайб (раҳимаҳуллоҳ) айтади: Қатода Анас(розияллоҳу анҳу)дан: «Расулуллоҳ ﷺ энг кўп қайси дуо билан дуо қилар эдилар?» деб сўради. У: «У зот энг кўп дуо қиладиган дуолари: ‹Аллоҳумма Роббанаа, аатинаа фид-дуняа ҳасанатан ва фил-аахироти ҳасанатан ва қинаа азаабан-наар (Эй Аллоҳим, эй Роббимиз, бизга дунёда яхшилик, охиратда ҳам яхшилик ато эт ва бизни дўзах азобидан сақла)› эди», деди. Зиёд (ўз ривоятида) шуни қўшди: Анас (бирон) дуо билан дуо қилмоқчи бўлса, шу дуони қўшиб айтар эди.

حَدَّثَنَا مُسَدَّدٌ، حَدَّثَنَا عَبْدُ الْوَارِثِ، عَنْ عَبْدِ الْعَزِيزِ بْنِ صُهَيْبٍ، قَالَ قَالَ أَنَسٌ - يَعْنِي - لِثَابِتٍ أَلاَ أَرْقِيكَ بِرُقْيَةِ رَسُولِ اللَّهِ قَالَ بَلَى ‏.‏ قَالَ فَقَالَ ‏"‏ اللَّهُمَّ رَبَّ النَّاسِ مُذْهِبَ الْبَاسِ اشْفِ أَنْتَ الشَّافِي لاَ شَافِيَ إِلاَّ أَنْتَ اشْفِهِ شِفَاءً لاَ يُغَادِرُ سَقَمًا ‏"‏ ‏.‏

Abdulaziz ibn Suhaybdan rivoyat qilinadiki, u: «Anas (roziyallohu anhu) Sobitga: ‹Senga Rasululloh ﷺning afsuni bilan afsun qilmaymi?› dedi. U: ‹Albatta (qil)›, dedi. Shunda (Anas): ‹Allohim, ey odamlarning Robbi, azobni ketkazuvchi, shifo ber, Sen Shifo beruvchisan, Sendan boshqa shifo beruvchi yoʻqdir, unga shunday shifo berki, hech qanday kasallikni qoldirmaydi›, dedi», deb aytdi.Абдулазиз ибн Суҳайбдан ривоят қилинадики, у: «Анас (розияллоҳу анҳу) Собитга: ‹Сенга Расулуллоҳ ﷺнинг афсуни билан афсун қилмайми?› деди. У: ‹Албатта (қил)›, деди. Шунда (Анас): ‹Аллоҳим, эй одамларнинг Робби, азобни кетказувчи, шифо бер, Сен Шифо берувчисан, Сендан бошқа шифо берувчи йўқдир, унга шундай шифо берки, ҳеч қандай касалликни қолдирмайди›, деди», деб айтди.