وَعَن عبد الله بن عكيم قَالَ: أَتَانَا كِتَابُ رَسُولِ اللَّهِ صَلَّى اللَّهُ عَلَيْهِ وَسَلَّمَ: «أَنْ لَا تَنْتَفِعُوا مِنَ الْمَيْتَةِ بِإِهَابٍ وَلَا عَصَبٍ» . رَوَاهُ التِّرْمِذِيُّ وَأَبُو دَاوُدَ وَالنَّسَائِيُّ وَابْنُ مَاجَهْ
Abdulloh ibn Ukaym (roziyallohu anhu) aytdi: Bizga Rasululloh ﷺning «Oʻlimtikdan — teri boʻlsin, payi boʻlsin — foydalanmanglar» degan (mazmundagi) maktublari keldi. Abu Iso aytdi: Bu hadis hasandir. Bu hadis Abdulloh ibn Ukaymdan, oʻz mashoyixlari orqali ham rivoyat qilinadi. Koʻpchilik ilm ahlining amali shu (hadis) ustida emas. Bu hadis Abdulloh ibn Ukaymdan shunday ham rivoyat qilingan: «Bizga Nabiy ﷺning maktublari vafotlaridan ikki oy avval keldi». (Roviy) aytdi: Men Ahmad ibnul-Hasanning shunday deganini eshitdim: Ahmad ibn Hanbal bu hadisda «vafotidan ikki oy avval» deb zikr qilingani uchun unga (amal qilish) tarafiga moyil edi va u: «Bu Nabiy ﷺning oxirgi ishi edi», derdi. Soʻng uning isnodida ixtilof qilinib, baʼzilari uni «Abdulloh ibn Ukaymdan, oʻzlarining Juhayna (qabilasi)dan boʻlgan mashoyixlaridan» deb rivoyat qilganlari sababli Ahmad ibn Hanbal bu hadisni tark etdi.Абдуллоҳ ибн Укайм (розияллоҳу анҳу) айтди: Бизга Расулуллоҳ ﷺнинг «Ўлимтикдан — тери бўлсин, пайи бўлсин — фойдаланманглар» деган (мазмундаги) мактублари келди. Абу Исо айтди: Бу ҳадис ҳасандир. Бу ҳадис Абдуллоҳ ибн Укаймдан, ўз машойихлари орқали ҳам ривоят қилинади. Кўпчилик илм аҳлининг амали шу (ҳадис) устида эмас. Бу ҳадис Абдуллоҳ ибн Укаймдан шундай ҳам ривоят қилинган: «Бизга Набий ﷺнинг мактублари вафотларидан икки ой аввал келди». (Ровий) айтди: Мен Аҳмад ибнул-Ҳасаннинг шундай деганини эшитдим: Аҳмад ибн Ҳанбал бу ҳадисда «вафотидан икки ой аввал» деб зикр қилингани учун унга (амал қилиш) тарафига мойил эди ва у: «Бу Набий ﷺнинг охирги иши эди», дерди. Сўнг унинг иснодида ихтилоф қилиниб, баъзилари уни «Абдуллоҳ ибн Укаймдан, ўзларининг Жуҳайна (қабиласи)дан бўлган машойихларидан» деб ривоят қилганлари сабабли Аҳмад ибн Ҳанбал бу ҳадисни тарк этди.