حَدَّثَنَا ابْنُ أَبِي عَدِيٍّ، عَنْ حُمَيْدٍ، عَنْ أَنَسٍ قَالَ: دَخَلَ رَسُولُ اللَّهِ صَلَّى اللهُ عَلَيْهِ وَسَلَّمَ عَلَى أُمِّ سُلَيْمٍ، فَأَتَتْهُ بِتَمْرٍ وَسَمْنٍ، وَكَانَ صَائِمًا، فَقَالَ: «أَعِيدُوا تَمْرَكُمْ فِي وِعَائِهِ وَسَمْنَكُمْ فِي سِقَائِهِ». ثُمَّ قَامَ إِلَى نَاحِيَةِ الْبَيْتِ فَصَلَّى رَكْعَتَيْنِ، وَصَلَّيْنَا مَعَهُ، ثُمَّ دَعَا لِأُمِّ سُلَيْمٍ وَلِأَهْلِهَا بِخَيْرٍ. فَقَالَتْ أُمُّ سُلَيْمٍ: يَا رَسُولَ اللَّهِ، إِنَّ لِي خُوَيْصَّةً. قَالَ: «مَا هِيَ؟» قَالَتْ: خَادِمُكَ أَنَسٌ. فَمَا تَرَكَ خَيْرَ آخِرَةٍ وَلَا دُنْيَا إِلَّا دَعَا لِي بِهِ، وَقَالَ: «اللَّهُمَّ ارْزُقْهُ مَالًا وَوَلَدًا وَبَارِكْ لَهُ فِيهِ». قَالَ: فَمَا مِنَ الْأَنْصَارِ إِنْسَانٌ أَكْثَرُ مَالًا مِنِّي. وَذَكَرَ أَنَّهُ لَا يَمْلِكُ ذَهَبًا وَلَا فِضَّةً غَيْرَ خَاتَمِهِ. وَذَكَرَ أَنَّ ابْنَتَهُ الْكُبْرَى أُمَيْنَةَ أَخْبَرَتْهُ أَنَّهُ دُفِنَ مِنْ صُلْبِهِ إِلَى مَقْدَمِ الْحَجَّاجِ نَيِّفًا عَلَى عِشْرِينَ وَمِائَةٍ.
Anas (roziyallohu anhu)dan rivoyat qilinadi: Rasululloh ﷺ Ummu Sulaymning huzuriga kirdilar. U u zotga xurmo va sariyogʻ keltirdi, u zot esa roʻzador edilar. Shunda u zot: «Xurmoyingizni idishiga, yogʻingizni meshiga qaytaringlar», dedilar. Soʻng uyning bir chekkasiga turib, ikki rakat namoz oʻqidilar, biz ham u zot bilan birga oʻqidik. Keyin Ummu Sulaymga va uning ahliga yaxshilik (soʻrab) duo qildilar. Ummu Sulaym: «Ey Allohning Rasuli, mening kichkina bir hojatim bor», dedi. U zot: «U nima?» dedilar. U: «Xizmatkoringiz Anas», dedi. Bas, u zot menga na oxirat va na dunyo yaxshiligini qoldirmay, hammasini soʻrab duo qildilar va: «Allohim, unga mol va farzand ato et hamda unga baraka ber», dedilar. (Anas) dedi: Ansorlar orasida mendan koʻra koʻproq moli boʻlgan odam yoʻq edi. U yana uzugidan boshqa na oltini, na kumushi yoʻqligini aytdi. Va katta qizi Umina unga xabar berdiki, Hajjoj (Basraga) kelgunga qadar uning oʻz pushtidan boʻlgan bir yuz yigirmadan ortiq (farzandi) dafn etilgan edi.Анас (розияллоҳу анҳу)дан ривоят қилинади: Расулуллоҳ ﷺ Умму Сулаймнинг ҳузурига кирдилар. У у зотга хурмо ва сариёғ келтирди, у зот эса рўзадор эдилар. Шунда у зот: «Хурмойингизни идишига, ёғингизни мешига қайтаринглар», дедилар. Сўнг уйнинг бир чеккасига туриб, икки ракат намоз ўқидилар, биз ҳам у зот билан бирга ўқидик. Кейин Умму Сулаймга ва унинг аҳлига яхшилик (сўраб) дуо қилдилар. Умму Сулайм: «Эй Аллоҳнинг Расули, менинг кичкина бир ҳожатим бор», деди. У зот: «У нима?» дедилар. У: «Хизматкорингиз Анас», деди. Бас, у зот менга на охират ва на дунё яхшилигини қолдирмай, ҳаммасини сўраб дуо қилдилар ва: «Аллоҳим, унга мол ва фарзанд ато эт ҳамда унга барака бер», дедилар. (Анас) деди: Ансорлар орасида мендан кўра кўпроқ моли бўлган одам йўқ эди. У яна узугидан бошқа на олтини, на кумуши йўқлигини айтди. Ва катта қизи Умина унга хабар бердики, Ҳажжож (Басрага) келгунга қадар унинг ўз пуштидан бўлган бир юз йигирмадан ортиқ (фарзанди) дафн этилган эди.