حَدَّثَنَا قُتَيْبَةُ، حَدَّثَنَا سُفْيَانُ بْنُ عُيَيْنَةَ، عَنِ الزُّهْرِيِّ، عَنْ أَبِي إِدْرِيسَ الْخَوْلاَنِيِّ، عَنْ عُبَادَةَ بْنِ الصَّامِتِ، قَالَ كُنَّا عِنْدَ النَّبِيِّ صلى الله عليه وسلم فِي مَجْلِسٍ فَقَالَ " تُبَايِعُونِي عَلَى أَنْ لاَ تُشْرِكُوا بِاللَّهِ شَيْئًا وَلاَ تَسْرِقُوا وَلاَ تَزْنُوا قَرَأَ عَلَيْهِمُ الآيَةَ فَمَنْ وَفَى مِنْكُمْ فَأَجْرُهُ عَلَى اللَّهِ وَمَنْ أَصَابَ مِنْ ذَلِكَ شَيْئًا فَعُوقِبَ عَلَيْهِ فَهُوَ كَفَّارَةٌ لَهُ وَمَنْ أَصَابَ مِنْ ذَلِكَ شَيْئًا فَسَتَرَهُ اللَّهُ عَلَيْهِ فَهُوَ إِلَى اللَّهِ إِنْ شَاءَ عَذَّبَهُ وَإِنْ شَاءَ غَفَرَ لَهُ " . قَالَ وَفِي الْبَابِ عَنْ عَلِيٍّ وَجَرِيرِ بْنِ عَبْدِ اللَّهِ وَخُزَيْمَةَ بْنِ ثَابِتٍ . قَالَ أَبُو عِيسَى حَدِيثُ عُبَادَةَ بْنِ الصَّامِتِ حَدِيثٌ حَسَنٌ صَحِيحٌ . وَقَالَ الشَّافِعِيُّ لَمْ أَسْمَعْ فِي هَذَا الْبَابِ أَنَّ الْحُدُودَ تَكُونُ كَفَّارَةً لأَهْلِهَا شَيْئًا أَحْسَنَ مِنْ هَذَا الْحَدِيثِ . قَالَ الشَّافِعِيُّ وَأُحِبُّ لِمَنْ أَصَابَ ذَنْبًا فَسَتَرَهُ اللَّهُ عَلَيْهِ أَنْ يَسْتُرَ عَلَى نَفْسِهِ وَيَتُوبَ فِيمَا بَيْنَهُ وَبَيْنَ رَبِّهِ . وَكَذَلِكَ رُوِيَ عَنْ أَبِي بَكْرٍ وَعُمَرَ أَنَّهُمَا أَمَرَا رَجُلاً أَنْ يَسْتُرَ عَلَى نَفْسِهِ .
Uboda ibn Somit (roziyallohu anhu)dan rivoyat qilinadi: Biz Nabiy ﷺ huzurida bir majlisda edik. U zot: «Allohga hech narsani sherik qilmaslik, oʻgʻrilik qilmaslik va zino qilmaslik ustiga menga bayʼat berasizlarmi?» deb ularga (mazkur) oyatni oʻqib berdilar. (Soʻng:) «Sizlardan kim (ahdiga) vafo qilsa, uning ajri Alloh zimmasidadir. Kim bulardan birortasini qilib, unga jazo berilsa, bu unga kafforatdir. Kim bulardan birortasini qilib, Alloh uni yopsa, bu Allohning (ixtiyoriga havola)dir: xohlasa, azoblaydi, xohlasa, uni kechiradi», dedilar. (Abu Iso) aytdi: Bu bobda Ali, Jarir ibn Abdulloh va Xuzayma ibn Sobitlardan ham (rivoyatlar) bor. Abu Iso aytdi: Uboda ibn Somit hadisi hasan sahih hadisdir. Shofiiy aytdi: Bu bobda hadlar oʻz egalariga kafforat boʻlishi haqida shu hadisdan koʻra goʻzalroq (rivoyat) eshitmadim. Shofiiy aytdi: Bir gunoh qilib, Alloh uni oʻziga yopgan kishining oʻzini (gunohini) yopib, Rabbisi bilan oʻzi orasida tavba qilishini yaxshi koʻraman. Shuningdek, Abu Bakr va Umardan ular bir kishiga oʻzini (gunohini) yopishga buyurganlari rivoyat qilingan.Убода ибн Сомит (розияллоҳу анҳу)дан ривоят қилинади: Биз Набий ﷺ ҳузурида бир мажлисда эдик. У зот: «Аллоҳга ҳеч нарсани шерик қилмаслик, ўғрилик қилмаслик ва зино қилмаслик устига менга байъат берасизларми?» деб уларга (мазкур) оятни ўқиб бердилар. (Сўнг:) «Сизлардан ким (аҳдига) вафо қилса, унинг ажри Аллоҳ зиммасидадир. Ким булардан бирортасини қилиб, унга жазо берилса, бу унга каффоратдир. Ким булардан бирортасини қилиб, Аллоҳ уни ёпса, бу Аллоҳнинг (ихтиёрига ҳавола)дир: хоҳласа, азоблайди, хоҳласа, уни кечиради», дедилар. (Абу Исо) айтди: Бу бобда Али, Жарир ибн Абдуллоҳ ва Хузайма ибн Собитлардан ҳам (ривоятлар) бор. Абу Исо айтди: Убода ибн Сомит ҳадиси ҳасан саҳиҳ ҳадисдир. Шофиий айтди: Бу бобда ҳадлар ўз эгаларига каффорат бўлиши ҳақида шу ҳадисдан кўра гўзалроқ (ривоят) эшитмадим. Шофиий айтди: Бир гуноҳ қилиб, Аллоҳ уни ўзига ёпган кишининг ўзини (гуноҳини) ёпиб, Раббиси билан ўзи орасида тавба қилишини яхши кўраман. Шунингдек, Абу Бакр ва Умардан улар бир кишига ўзини (гуноҳини) ёпишга буюрганлари ривоят қилинган.