Abduljabbor ibn Voil ibn Hujr otasi (Voil ibn Hujr (roziyallohu anhu))dan rivoyat qiladi: U aytdi: Rasululloh ﷺning zamonlarida bir ayol (zinoga) majburlandi. Rasululloh ﷺ undan had (jazo)ni daf qildilar (soqit qildilar) va uni unga (zino) qilgan kishiga oʻrnatdilar. (Rovi) u zotning unga mahr belgilaganlarini zikr qilmadi. Abu Iso aytdi: Bu hadis gʻaribdir va uning isnodi muttasil emas; bu hadis boshqa yoʻl bilan ham rivoyat qilingan. Men Muhammad (Buxoriy)ning shunday deganini eshitdim: Abduljabbor ibn Voil ibn Hujr otasidan (hadis) eshitmagan va unga yetishmagan ham; aytishlaricha, u otasi vafotidan bir necha oy keyin tugʻilgan. Ilm ahlidan — Nabiy ﷺning ashoblari va boshqalaridan — boʻlganlar(ning) amali shu (hadisga binoan)dir: majburlangan (ayol)ga had (jazo) yoʻq.Абдулжаббор ибн Воил ибн Ҳужр отаси (Воил ибн Ҳужр (розияллоҳу анҳу))дан ривоят қилади: У айтди: Расулуллоҳ ﷺнинг замонларида бир аёл (зинога) мажбурланди. Расулуллоҳ ﷺ ундан ҳад (жазо)ни даф қилдилар (соқит қилдилар) ва уни унга (зино) қилган кишига ўрнатдилар. (Рови) у зотнинг унга маҳр белгилаганларини зикр қилмади. Абу Исо айтди: Бу ҳадис ғарибдир ва унинг исноди муттасил эмас; бу ҳадис бошқа йўл билан ҳам ривоят қилинган. Мен Муҳаммад (Бухорий)нинг шундай деганини эшитдим: Абдулжаббор ибн Воил ибн Ҳужр отасидан (ҳадис) эшитмаган ва унга етишмаган ҳам; айтишларича, у отаси вафотидан бир неча ой кейин туғилган. Илм аҳлидан — Набий ﷺнинг ашоблари ва бошқаларидан — бўлганлар(нинг) амали шу (ҳадисга биноан)дир: мажбурланган (аёл)га ҳад (жазо) йўқ.