Hannod bizga, Vakiʼ bizga Sufyondan, u Ibrohim ibn al-Muhojirdan, u Abu Shaʼsodan rivoyat qildi. U aytdi: «Asr azoni aytilganidan keyin bir kishi masjiddan chiqib ketdi. Shunda Abu Hurayra (roziyallohu anhu): ‹Bunisiga kelsak, u Abul-Qosim ﷺga osiy boʻldi›, dedi». Abu Iso aytdi: Bu bobda Usmon (roziyallohu anhu)dan ham (rivoyat) bor. Abu Iso aytdi: Abu Hurayraning hadisi hasan sahih hadisdir. Nabiy ﷺ ashoblari va ulardan keyingilardan iborat ilm ahli huzurida amal shunga binoandir, yaʼni azondan keyin hech kim uzrsiz masjiddan chiqib ketmaydi, magar tahoratsiz boʻlishi yoki muqarrar bir ish (boʻlsa, bundan mustasno). Ibrohim an-Naxaiydan rivoyat qilinishicha, u: «Muazzin iqomatni boshlamaguncha chiqib ketadi», degan. Abu Iso aytdi: Bizning nazdimizda bu undan chiqishga uzri bor kishi uchundir. Abu Shaʼsoning ismi Sulaym ibn Asvad boʻlib, u Ashʼas ibn Abu Shaʼsoning otasidir. Ashʼas ibn Abu Shaʼso bu hadisni otasidan rivoyat qilgan.Ҳаннод бизга, Вакиъ бизга Суфёндан, у Иброҳим ибн ал-Муҳожирдан, у Абу Шаъсодан ривоят қилди. У айтди: «Аср азони айтилганидан кейин бир киши масжиддан чиқиб кетди. Шунда Абу Ҳурайра (розияллоҳу анҳу): ‹Бунисига келсак, у Абул-Қосим ﷺга осий бўлди›, деди». Абу Исо айтди: Бу бобда Усмон (розияллоҳу анҳу)дан ҳам (ривоят) бор. Абу Исо айтди: Абу Ҳурайранинг ҳадиси ҳасан саҳиҳ ҳадисдир. Набий ﷺ ашоблари ва улардан кейингилардан иборат илм аҳли ҳузурида амал шунга биноандир, яъни азондан кейин ҳеч ким узрсиз масжиддан чиқиб кетмайди, магар таҳоратсиз бўлиши ёки муқаррар бир иш (бўлса, бундан мустасно). Иброҳим ан-Нахаийдан ривоят қилинишича, у: «Муаззин иқоматни бошламагунча чиқиб кетади», деган. Абу Исо айтди: Бизнинг наздимизда бу ундан чиқишга узри бор киши учундир. Абу Шаъсонинг исми Сулайм ибн Асвад бўлиб, у Ашъас ибн Абу Шаъсонинг отасидир. Ашъас ибн Абу Шаъсо бу ҳадисни отасидан ривоят қилган.