Abu Hurayra (roziyallohu anhu)dan rivoyat qilinadiki, Paygʻambar ﷺ ularni (ikki sajdani) salomdan keyin qildilar. Abu Iso aytdi: Bu hadis hasan sahih hadisdir. Buni Ayyub va boshqa bir necha (rovi) Ibn Siyrindan rivoyat qilgan. Ibn Masʼud hadisi (ham) hasan sahih hadisdir. Baʼzi ilm ahlining amali shunga binoandir; ular: «Agar kishi peshinni besh (rakaat) oʻqisa, namozi joiz boʻladi va sahvning ikki sajdasini qiladi, garchi toʻrtinchi (rakaat)da oʻtirmagan boʻlsa ham», dedilar. Bu Shofeiy, Ahmad va Ishoqning soʻzidir. Baʼzilari esa: «Agar peshinni besh (rakaat) oʻqib, toʻrtinchi (rakaat)da tashahhud miqdoricha oʻtirmagan boʻlsa, namozi buziladi», dedi. Bu Sufyon as-Savriy va Kufa ahlidan baʼzilarining soʻzidir.Абу Ҳурайра (розияллоҳу анҳу)дан ривоят қилинадики, Пайғамбар ﷺ уларни (икки саждани) саломдан кейин қилдилар. Абу Исо айтди: Бу ҳадис ҳасан саҳиҳ ҳадисдир. Буни Айюб ва бошқа бир неча (рови) Ибн Сийриндан ривоят қилган. Ибн Масъуд ҳадиси (ҳам) ҳасан саҳиҳ ҳадисдир. Баъзи илм аҳлининг амали шунга биноандир; улар: «Агар киши пешинни беш (ракаат) ўқиса, намози жоиз бўлади ва саҳвнинг икки саждасини қилади, гарчи тўртинчи (ракаат)да ўтирмаган бўлса ҳам», дедилар. Бу Шофеий, Аҳмад ва Ишоқнинг сўзидир. Баъзилари эса: «Агар пешинни беш (ракаат) ўқиб, тўртинчи (ракаат)да ташаҳҳуд миқдорича ўтирмаган бўлса, намози бузилади», деди. Бу Суфён ас-Саврий ва Куфа аҳлидан баъзиларининг сўзидир.