حَدَّثَنَا عَلِيُّ بْنُ سَعِيدٍ الْكِنْدِيُّ، حَدَّثَنَا أَبُو مُحَيَّاةَ، عَنْ عَبْدِ الْمَلِكِ بْنِ عُمَيْرٍ، عَنِ ابْنِ أَخِي عَبْدِ اللَّهِ بْنِ سَلاَمٍ، لَمَّا أُرِيدَ عُثْمَانُ جَاءَ عَبْدُ اللَّهِ بْنُ سَلاَمٍ فَقَالَ لَهُ عُثْمَانُ مَا جَاءَ بِكَ قَالَ جِئْتُ فِي نَصْرِكَ قَالَ اخْرُجْ إِلَى النَّاسِ فَاطْرُدْهُمْ عَنِّي فَإِنَّكَ خَارِجٌ خَيْرٌ لِي مِنْكَ دَاخِلٌ . فَخَرَجَ عَبْدُ اللَّهِ إِلَى النَّاسِ فَقَالَ أَيُّهَا النَّاسُ إِنَّهُ كَانَ اسْمِي فِي الْجَاهِلِيَّةِ فُلاَنٌ فَسَمَّانِي رَسُولُ اللَّهِ صلى الله عليه وسلم عَبْدَ اللَّهِ وَنَزَلَ فِيَّ آيَاتٌ مِنْ كِتَابِ اللَّهِ نَزَلَتْ فِيَّ : ( وشَهِدَ شَاهِدٌ مِنْ بَنِي إِسْرَائِيلَ عَلَى مِثْلِهِ فَآمَنَ وَاسْتَكْبَرْتُمْ إِنَّ اللَّهَ لاَ يَهْدِي الْقَوْمَ الظَّالِمِينَ ) وَنَزَلَتْ فِيَّ : (قلْ كَفَى بِاللَّهِ شَهِيدًا بَيْنِي وَبَيْنَكُمْ وَمَنْ عِنْدَهُ عِلْمُ الْكِتَابِ ) إِنَّ لِلَّهِ سَيْفًا مَغْمُودًا عَنْكُمْ وَإِنَّ الْمَلاَئِكَةَ قَدْ جَاوَرَتْكُمْ فِي بَلَدِكُمْ هَذَا الَّذِي نَزَلَ فِيهِ نَبِيُّكُمْ فَاللَّهَ اللَّهَ فِي هَذَا الرَّجُلِ أَنْ تَقْتُلُوهُ فَوَاللَّهِ إِنْ قَتَلْتُمُوهُ لَتَطْرُدُنَّ جِيرَانَكُمُ الْمَلاَئِكَةَ وَلَتَسُلُّنَّ سَيْفَ اللَّهِ الْمَغْمُودَ عَنْكُمْ فَلاَ يُغْمَدُ إِلَى يَوْمِ الْقِيَامَةِ قَالَ فَقَالُوا اقْتُلُوا الْيَهُودِيَّ وَاقْتُلُوا عُثْمَانَ . قَالَ أَبُو عِيسَى هَذَا حَدِيثٌ حَسَنٌ غَرِيبٌ . وَقَدْ رَوَاهُ شُعَيْبُ بْنُ صَفْوَانَ عَنْ عَبْدِ الْمَلِكِ بْنِ عُمَيْرٍ عَنِ ابْنِ مُحَمَّدِ بْنِ عَبْدِ اللَّهِ بْنِ سَلاَمٍ عَنْ جَدِّهِ عَبْدِ اللَّهِ بْنِ سَلاَمٍ .
Abdulmalik ibn Umayr (rahimahulloh) Abdulloh ibn Salomning jiyanidan rivoyat qiladiki, u shunday dedi: Usmon (roziyallohu anhu)ga (suiqasd) qilinmoqchi boʻlganida, Abdulloh ibn Salom keldi. Usmon unga: «Seni nima olib keldi?», dedi. U: «Senga yordam berish uchun keldim», dedi. Usmon: «Odamlar oldiga chiq va ularni mendan qaytar, chunki sening (tashqarida) chiqib turishing men uchun (ichkarida) kirib turishingdan yaxshiroqdir», dedi. Bas, Abdulloh odamlar oldiga chiqib: «Ey odamlar! Johiliyatda mening ismim falon edi, soʻng Rasululloh ﷺ mening ismimni Abdulloh deb qoʻydilar va Allohning Kitobidan baʼzi oyatlar mening haqimda nozil boʻldi. Mening haqimda: {Bani Isroildan bir guvoh (Tavrotdan) shunga oʻxshashlikni guvohlik berib, iymon keltirdi-yu, sizlar esa kibr qildingiz. Albatta, Alloh zolim qavmni hidoyat qilmaydi} (Ahqof 10) nozil boʻldi. Yana mening haqimda: {Ayting: ‹Men bilan sizlar oramizda guvoh boʻlishga Alloh va kimda Kitob ilmi boʻlsa, (oʻsha) yetarlidir›} (Raʼd 43) nozil boʻldi. Albatta, Allohning sizlardan (hozircha) qiniga solib qoʻyilgan bir qilichi bor va albatta, farishtalar shu yurtingizda — Nabiyingiz nozil boʻlgan (yurtda) sizlarga qoʻshni boʻlib turibdilar. Bas, Allohdan qoʻrqinglar, Allohdan qoʻrqinglar, bu kishini (Usmonni) oʻldirishdan (saqlaninglar)! Allohga qasamki, agar uni oʻldirsangizlar, albatta, qoʻshningiz boʻlmish farishtalarni quvgan boʻlasiz va Allohning sizlardan (hozircha) qiniga solingan qilichini sugʻurgan boʻlasiz, soʻng u qiyomat kunigacha qiniga solinmaydi», dedi. Shunda ular: «Yahudiyni oʻldiringlar, Usmonni ham oʻldiringlar!», deyishdi. Abu Iso aytdi: Bu hadis hasan gʻaribdir. Buni Shuayb ibn Safvon, Abdulmalik ibn Umayrdan, u Abdulloh ibn Salomning nabirasi Muhammad ibn Abdulloh ibn Salomning oʻgʻlidan, u bobosi Abdulloh ibn Salomdan rivoyat qilgan.Абдулмалик ибн Умайр (раҳимаҳуллоҳ) Абдуллоҳ ибн Саломнинг жиянидан ривоят қиладики, у шундай деди: Усмон (розияллоҳу анҳу)га (суиқасд) қилинмоқчи бўлганида, Абдуллоҳ ибн Салом келди. Усмон унга: «Сени нима олиб келди?», деди. У: «Сенга ёрдам бериш учун келдим», деди. Усмон: «Одамлар олдига чиқ ва уларни мендан қайтар, чунки сенинг (ташқарида) чиқиб туришинг мен учун (ичкарида) кириб туришингдан яхшироқдир», деди. Бас, Абдуллоҳ одамлар олдига чиқиб: «Эй одамлар! Жоҳилиятда менинг исмим фалон эди, сўнг Расулуллоҳ ﷺ менинг исмимни Абдуллоҳ деб қўйдилар ва Аллоҳнинг Китобидан баъзи оятлар менинг ҳақимда нозил бўлди. Менинг ҳақимда: {Бани Исроилдан бир гувоҳ (Тавротдан) шунга ўхшашликни гувоҳлик бериб, иймон келтирди-ю, сизлар эса кибр қилдингиз. Албатта, Аллоҳ золим қавмни ҳидоят қилмайди} (Аҳқоф 10) нозил бўлди. Яна менинг ҳақимда: {Айтинг: ‹Мен билан сизлар орамизда гувоҳ бўлишга Аллоҳ ва кимда Китоб илми бўлса, (ўша) етарлидир›} (Раъд 43) нозил бўлди. Албатта, Аллоҳнинг сизлардан (ҳозирча) қинига солиб қўйилган бир қиличи бор ва албатта, фаришталар шу юртингизда — Набийингиз нозил бўлган (юртда) сизларга қўшни бўлиб турибдилар. Бас, Аллоҳдан қўрқинглар, Аллоҳдан қўрқинглар, бу кишини (Усмонни) ўлдиришдан (сақланинглар)! Аллоҳга қасамки, агар уни ўлдирсангизлар, албатта, қўшнингиз бўлмиш фаришталарни қувган бўласиз ва Аллоҳнинг сизлардан (ҳозирча) қинига солинган қиличини суғурган бўласиз, сўнг у қиёмат кунигача қинига солинмайди», деди. Шунда улар: «Яҳудийни ўлдиринглар, Усмонни ҳам ўлдиринглар!», дейишди. Абу Исо айтди: Бу ҳадис ҳасан ғарибдир. Буни Шуайб ибн Сафвон, Абдулмалик ибн Умайрдан, у Абдуллоҳ ибн Саломнинг набираси Муҳаммад ибн Абдуллоҳ ибн Саломнинг ўғлидан, у бобоси Абдуллоҳ ибн Саломдан ривоят қилган.